Müəllif: Tamara Mustafayeva, Banco.az
ABŞ-da Respublikaçılar Partiyasından prezidentliyə namizəd Donald Trampın bitkoin planı hüquqi mübahisə yaradıb.
Banco.az xəbər verir ki, Donald Trampın seçki kampaniyası zamanı ABŞ hökumətinin əlində olan kriptovalyutalarla milli bitkoin portfelinin yaradılması vədi, cinayət qurbanlarına kompensasiya vermək üçün istifadə olunacaq ələ keçirilən rəqəmsal aktivləri yönləndirəcəyini söyləyən keçmiş prokurorları narahat edib.
Tramp iyulun 27-də Bitcoin 2024 konfransında açıqlamalar verib.
O, prezident seçiləcəyi təqdirdə hökumətin əlində olan və ya əldə edəcəyi bütün bitkoini saxlayacağını və “bu nəhəng sərvəti bütün amerikalılara fayda verəcək daimi milli sərvətə çevirəcəyini” söyləyib.
Mütəxəssislər isə Trampın “heç vaxt bitkoininizi satmayın” fəlsəfəsi ilə ABŞ-ın müsadirə qanununun əsas prinsipini pozduğunu iddia edir.
Bizi sosial şəbəkələrdən izləyin!!
