Müəllif:Ayşən İmanova/Banco.az
Tesla səhmdarlarından şirkətin rəhbəri İlon Maska Delaver ştatının Kanserlər Məhkəməsi tərəfindən əvvəllər ləğv edilən 56 milyard dollar məbləğində təzminatı yenidən təsdiq etməyi tələb edib.
Banco.az xəbər verir ki, müvafiq sorğu şirkətin saytında dərc olunub.
"Məhkəmənin qərarı icra olunarsa, o deməkdir ki, İlon Tesla-da beş ildən artıq işlədiyi müddətdə heç bir mükafat almayacaq və bu, bir çox nailiyyətlərinə baxmayaraq, faktiki olaraq onu ödənişsiz işçiyə çevirəcək", – şirkətin mesajında deyilir.
Tesla-nın sədri Robin Denholm şirkətin məhkəmənin qərarı ilə razılaşmadığını bildirib. Bundan əlavə, Tesla səhmdarlardan şirkətin qeydiyyatının Delaverdən hazırda baş qərargahının yerləşdiyi Texasa köçürülməsinə razılıq vermələrini tələb edəcəyini bildirib.
Bundan öncə, fevral ayında Mask, digər şirkəti SpaceX-in hüquqi qeydiyyatını Delaverdən Texasa köçürmək niyyətində olduğunu bildirib.
Qeyd edək ki, Tesla-nın biznesində artan problemlər İlon Maska ciddi zərbə vurub. Əgər 2021-ci ilin noyabrında Mask 340 milyard dollar sərvəti ilə milyarderlər reytinqində birinci yeri tuturdusa, 2024-cü ildə milyarderin aktivlərində 178 milyard dollar qiymətləndirilib.
Bizi sosial şəbəkələrdən izləyin!!
