Müəllif:Ayşən İmanova/Banco.az
ABŞ-nin “Tesla” şirkəti insanabənzər “Optimus” robotlarına insan motorikasını öyrətmək üçün onlarla təlimçi işə götürməyi planlaşdırır.
Banco.az xəbər verir ki, müvafiq vakansiya şirkətin saytında yer alıb.
Vəzifə “Məlumat Toplama Operatoru” adlanır. İşin təsvirində işçinin müəyyən hərəkətləri yerinə yetirərkən motion capture kostyumundan və virtual reallıq qulaqcığından istifadə edəcəyi bildirilir.
Təlimçidən 30 funta (13,6 kiloqram) qədər yük daşıyarkən gündə yeddi saatdan çox gəzmək tələb olunduğu üçün ərizəçilər yaxşı fiziki vəziyyətdə olmalıdırlar. Namizədin boyu 170-180 sm olmalıdır, çünki robotun hündürlüyü təxminən 173 sm olacaq.
Qeyd etmək lazımdır ki, vakansiya bir gün istirahət və lazım olduqda əlavə iş vaxtı ilə gündüz və gecə növbələri ilə çevik qrafik tələb edir. Əmək haqqı saatda 25-48 dollar arasında dəyişir.
Bizi sosial şəbəkələrdən izləyin!!
