Müəllif:Ayşən İmanova/Banco.az
“Telegram” messenceri tezliklə messencer daxilində mini-proqramların tərtibatçıları üçün 10 yeni funksiya təqdim etməyi planlaşdırır, onlardan ikisi artıq işləyir.
Banco.az xəbər verir ki, bu barədə messencerin təsisçisi Pavel Durov rəsmi “Telegram” kanalında bildirib.
"Telegram” mini tətbiqlər üçün 10 yeni funksiya təqdim edəcək ki, bu da tərtibatçılara “Telegram”da onlarla yeni növ proqram və oyun yaratmağa imkan verəcək", - məlumatda deyilir.
Belə ki, yaxın 2-4 həftə ərzində tam ekran rejimi, ev ekranının qısa yolları, abunə planları, icazələrlə geolokasiyaya giriş, cihazın oriyentasiyası məlumatları, emoji statusuna çıxış, media paylaşımı və hədiyyələrin göndərilməsi nəzərdə tutulur. Hazırda tərtibatçılar üçün genişləndirilmiş mesajlaşma limitləri, eləcə də reklamdan monetizasiya artıq əlçatandır.
