Müəllif:Mehin Qasımova/Banco.az
Avtomobil şirkəti "Stellantis" 2023-cü ildə maliyyə nəticələrini təqdim edib.
Banco.az xəbər verir ki, şirkət 2023-cü ildə rekord gəlir əldə edib.
"Stellantis"in gəlirləri 2022-ci ildəki 179,59 milyard avro ilə müqayisədə 6% artaraq 189,54 milyard avroya çatıb. Şirkətin mənfəəti isə 11% artaraq 18,6 milyard avroya çatıb.
“Bugünkü rekord maliyyə nəticələri göstərir ki, biz sənayemizdə yeni qlobal liderə çevrilmişik və inamla 2024-cü ilə irəliləyirik"- , deyə şirkətin CEO-su Carlos Tavares deyib.
Qeyd edək ki, 3 il əvvəl bonus sistemini tətbiq edən "Stellantis" bu il işçilərinə 1,9 milyard avro paylayacaq.
Ötən il şirkətin demək olar ki, bütün işçiləri (95%) bu mükafatlardan yararlanmaq hüququna malik olub.
Hazırda şirkətin 200 mindən çox işçisi var. Bir işçiyə orta hesabla 9500 avro civarında mükafatların paylanması hədəflənir.
Bizi sosial şəbəkələrdən izləyin!!
