SOCAR və Fransanın “Total” şirkətinin birgə müəssisəsi “SOCAR Absheron” ləğv edilməyib.
Bunu SOCAR-ın ictimaiyyətlə əlaqələr və tədbirlərin təşkili idarəsinin rəis müavini İbrahim Əhmədov deyib.
Onun sözlərinə görə, söhbət ləğvdən yox, şirkətin qeydiyyat ünvanının dəyişdirilməsindən gedir:
“Bu prosedurun məqsədi optimallaşdırma və xarici tərəfdaşlarla əlaqələrin səmərəliliyinin artırılmasıdır, çünki “SOCAR Absheron” “Abşeron” yatağının məhsullarının bölüşdürülməsi barədə saziş çərçivəsində şirkətin maraqlarını təmsil edir”.
Qeyd edək ki, ötən gün Vergilər Nazirliyinin “Vergilər” qəzetində “SOCAR Absheron”un ləğv olunması barədə məlumat verilmişdi.
"SOCAR-Abşeron" MMC ləğv olunduğunu elan edir. Kreditorlar iki ay ərzində tələblərini Bakı şəhəri, Neftçilər prospekti, 73 ünvanına bildirə bilərlər",- elanda deyilir.
trend.az
