2014-cü ilin yanvar-noyabr aylarında Azərbaycanda sığortaçıların sığorta haqları 382,8 mln. manat təşkil edib, bu isə 2013-cü ilin 11 ayının göstəricisindən 3,8% çoxdur. Bu barədə Azərbaycan Sığortaçılar Assosiasiyasının (ASA) rəhbəri Orxan Bayramov çərşənbə axşamı mətbuat konfransında məlumat verib.
“2014-cü ilin yanvar-noyabr aylarında sığortaçıların ödənişləri 29,9% artaraq 143,5 mln. manat təşkil edib”, - deyə O.Bayramov qeyd edib.
Onun sözlərinə görə, cari ilin 11 ayı ərzində sığortaçılar sığorta haqlarının hər 100 manatı üçün 37,5 manat məbləğində ödəniş həyata keçiriblər, 2013-cü ilin müvafiq dövründə isə bu göstərici 30 manat təşkil edib.
interfax.az
