Müəllif:Mehin Qasımova,Banco.az
Səudiyyə Ərəbistanının investisiya naziri Xalid bin Əbdüləziz əl-Falih Ər-Riyad və Vaşinqton arasında imzalanan müqavilələrin 557 milyard dollara çatdığını bildirib.
Banco.az xəbər verir ki, Səudiyyə Ərəbistanının “Əl-İhbariyyə” kanalına danışan Falih Vaşinqtonda keçirilən ABŞ-Səudiyyə Ərəbistanı İnvestisiya Forumu çərçivəsində ABŞ ilə 242 investisiya müqaviləsi imzaladıqlarını bildirib.
Səudiyyəli nazir:
"Səudiyyə Ərəbistanı ilə ABŞ arasında ortaqlığı gücləndirmək üçün müxtəlif sektorlarda çoxlu razılaşmalar imzaladıq. Ər-Riyad və Vaşinqton arasında imzalanan müqavilələrin ümumi dəyəri 557 milyard dollara çatıb" .
Falih ABŞ-ın Səudiyyə Ərəbistanına ən böyük xarici investor olduğunu və 2025-ci ilin iki ölkə arasında iqtisadi əməkdaşlığın böyüməsi üçün mühüm dönüş nöqtəsi olduğunu bildirib.
O qeyd edib ki, Səudiyyə Ərəbistanı-ABŞ münasibətləri 90 ildən artıqdır ki, qlobal təsirə malikdir.
