Müəllif: Tamara Mustafayeva, Banco.az
Beynəlxalq qurumların Türkiyədə seçkidən sonrakı dövr üçün məzənnə təhlilləri davam edir.
Banco.az xəbər verir ki, ABŞ-ın bankçılıq və maliyyə nəhəngi “Morgan Stanley” də Dollar/TL-nin seçki sonrası təhlilini yayımlayıb. Bank seçkidə kimin qalib gəlməsindən asılı olmayaraq, türk lirəsinin dollara qarşı dəyər itirəcəyini proqnozlaşdırıb.
“Morgan Stanley” iqtisadçıları və strateqləri seçki öncəsi Dollar/TL məzənnəsində kəskin dəyişiklik gözləməsələr də, qısa müddətdə risklərin yüksəlişdə olduğunu qiymətləndiriblər.
Qurum seçkidə kimin qalib gəlməsindən asılı olmayaraq, ilk mərhələdə məzənnənin yüksələcəyini proqnozlaşdırıb.
Hazırda Dollar/TL məzənnəsi 19,25 dollara ticarət olunur.
Qeyd edək ki, mayın 14-də Türkiyədə prezident seçkiləri keçiriləcək.
Bizi sosial şəbəkələrdən izləyin!!
