Müəllif: Tamara Mustafayeva, Banco.az
Rusiyanın energetika naziri Nikolay Şulqinov yanacaq bazarındakı vəziyyəti diqqətlə izlədiklərini bəyan edib.
Banco.az xəbər verir ki, Şulqinov ölkəsinin sentyabrın 21-dən etibarən tətbiq etməyə başladığı benzin və dizel ixracı qadağası ilə bağlı Rusiyanın TASS xəbər agentliyinə açıqlama verib.
Şulqinov vurğulayıb ki, Rusiyanın yanacaq bazarında istehsalçılar və istehlakçılar arasında balans yaradılmalıdır.
“Bu baxımdan bizim üçün vacib olan həm maya dəyəri, həm də həcm baxımından daxili bazarı təmin etməkdir. Xüsusilə kənd təsərrüfatı ilə məşğul olanlar üçün”, deyə o bildirib.
Xatırladaq ki, Rusiya hökuməti ölkədə benzin və dizelin qiymətinin artması ilə əlaqədar ötən həftə yanacaq məhsullarının ixracına qadağa qoyub.
Bizi sosial şəbəkələrdən izləyin!!
