Müəllif: Tamara Mustafayeva, Banco.az
Rusiya Mərkəzi Bankı xaricə pul köçürmələrinə qoyulan məhdudiyyətləri 6 ay müddətinə uzadıb.
Banco.az xəbər verir ki, bu barədə Rusiya Mərkəzi Bankı yazılı bəyanat verib.
Bəyanatda xaricə pul köçürmələri ilə bağlı məhdudiyyətlərin 31 mart 2024-cü ilə qədər uzadıldığı bildirilib.
Xatırladaq ki, sanksiyalara görə Rusiyada 2022-ci ilin mart ayından bəri xaricə pul köçürmələrinə müxtəlif məhdudiyyətlər tətbiq edilir. Bu məhdudiyyətlərə görə, Rusiya vətəndaşları və dost ölkələrdən olan qeyri-rezidentlər bir ay ərzində xaricə 1 milyon dollara qədər pul köçürə bilərlər.
Qeyd edək ki, Rusiya maliyyə nazirinin müavini Aleksey Moiseyev sentyabrın 20-də verdiyi açıqlamada məzənnədəki volatilliyi azaltmaq üçün valyuta nəzarəti üzrə bəzi tədbirlər görmək istədiklərini bildirib.
Bizi sosial şəbəkələrdən izləyin!!
