Müəllif:Mehin Qasımova/Banco.az
Bu ilin ilk altı ayında Rusiya şirkətləri 2022-ci ildəkinin yarısı qədər gəlir əldə ediblər.
Banco.az xəbər verir ki, Federal Vergi Xidmətinin analitik portalının məlumatlarına əsasən, biznes gəlirləri ötən il 694,1 trilyonla müqayisədə 342,2 trilyon rubl təşkil edib .
Mərkəzi Bankın məlumatına görə, "İnter RAO"nun bu dövr üçün gəlirləri 43 faiz, "Qazprom"un 36 faiz, "Acron"un 34 faiz azalıb. "Lukoyl", "Uralkali", "NOVATEK" və "PhosAgro"da da gəlirlər kəskin şəkildə azalıb. Buna əsasən, Rusiyanın ən iri neft və qaz ixracatçılarının gəlirləri 41 faiz azalıb.
Ekspertlər gəlirlərin azalmasına səbəb kimi sanksiyaların nəticələrini göstərirlər. Bundan əlavə, istehlakçı tələbinin azalması, eləcə də enerji qiymətlərinin aşağı olması mənfəətə təzyiq göstərir. Noyabrda Rusiyanın əsas ixrac nefti olan Urals neftinin orta qiyməti oktyabr ayı ilə müqayisədə 10 faizdən çox azalaraq 72, 84 dollar/barel təşkl edib.
"Biznes gəlirlərinin əhəmiyyətli dərəcədə azalmasında əsas risk onun fəaliyyətinin dayandırılması, həm təşkilatın özünün, həm də təsisçilərinin müflis olmasıdır. Vəziyyət kritik ola bilər, çünki rublun hazırkı məzənnəsi səbəbindən müəssisələrin gəlirliliyi aşağı düşür və onlar öz işçilərinə layiqli əmək haqqı vermək imkanlarını itirirlər"- deyə, Business Consulting GRANDIS-in baş direktoru Aleksandr Mixaylov bildirib.
Eyni zamanda, Federal Vergi Xidmətinin altı aylıq məlumatlarına görə, Rusiya şirkətlərinin ilin birinci yarısında mənfəəti 31 faiz artaraq 18,1 trilyon rubla çatıb. Rusiya İqtisad Universitetinin Korporativ İdarəetmə və İnnovasiya kafedrasının dosenti qeyd edib ki, bir göstərici digərində, əsasən mədənçıxarma və istehsal sektorları ilə müqayisədə əhəmiyyətli kapital xərcləri tələb etməyən sənayelərdə azalma fonunda artır. 2023-cü ildə mənfəəti digərlərindən daha çox zərər çəkən şirkətlərdən biri də "Rusiya Postudur". Hesablamalara görə, dekabrın 1-nə təşkilat 24,5 milyard rubl zərər çəkib.
Bizi sosial şəbəkələrdən izləyin!!
