2025-ci ilin martında Rusiya ilə ABŞ arasında ticarət dövriyyəsi kəskin şəkildə 1,5 dəfə artaraq son iki ilin ən yüksək səviyyəsinə - 573 milyon dollara çatıb.

Banco.az xəbər verir ki, bu barədə Amerika statistika xidməti məlumat verib.

Məlumata görə, sıçrayış Rusiya ixracının 1,5 dəfə artması səbəbindən baş verib. Mütəxəssislər bu dinamikanı Amerikanın gübrə idxalının 219 milyon dollara yüksəlməsi, eləcə də ABŞ-dan 87,5 milyon dollara platin, 6 milyon dollara faner, 5 milyon dollara fosfat alması ilə izah ediblər.

Eyni zamanda, ABŞ-dan məhsulların tədarükü fevral ayı səviyyəsində qalıb və 50 milyon dollar təşkil edib. Bu müddət ərzində Rusiya Amerika tərəfdən 14,8 milyon dollara peyvənd, 6,2 milyon dollara tibbi alətlər, 5,7 milyon dollara ərzaq, 3,7 milyon dollara sınaq avadanlığı alıb.

Bundan əvvəl ABŞ prezidenti Tramp ABŞ və digər ölkələrə tədarük edilən bütün mallara yüksək rüsumlar tətbiq etməklə Rusiya ticarətini boğmaqla hədələyib. Onun fikrincə, bu tədbirlər Rusiya hakimiyyətini Ukrayna üzrə sülh sazişi bağlamağa məcbur etməlidir.