Müəllif:Gülbəniz Hüseynli/Banco.az
Aprel ayında rublun məzənnəsi Rusiyanın əsas ticarət tərəfdaşlarının valyuta səbətinə nisbətən mart ayı ilə müqayisədə 0,1% azalıb.
Banco.az-ın məlumatına görə, bu barədə Rusiya Bankı məlumat verib. Ticarət məlumatlarına əsasən, may ayı rubl üçün son dərəcə uğurlu ay ola bilər.
Fontvielle İnvestisiya Şirkətinin investisiya məsləhətçisi Maksim Fedorov bildirib ki, rublun məzənnəsinə təsir edən fundamental səbəblər var. Ekspert deyib ki, bu yüksək faiz dərəcəsi və xarici valyuta gəlirlərinin bir hissəsinin ixracatçılar tərəfindən məcburi satışı ilə bağlıdır.
M. Fedorov rublun məzənnəsinə təsir edən ikinci mühüm amilin mövsümi olduğunu qeyd edib:
“May ayı dividendlərin ödənilməsi dövrünün başlanğıcı sayıldı. Bunun da ən böyüyü ixracatçıların payına düşür. Səhmdarlara ödəniş etmək üçün onlar nağd pulu konvertasiya edirlər, bu isə o deməkdir ki, bazarda xarici valyuta təklifi artır.
Üçüncüsü, ayın ikinci yarısında göstərilən amillərə daha bir amil əlavə edildi - bu, vergi dövrüdür. Son ayların təcrübəsi göstərir ki, şirkətlər xarici valyutanı son anda deyil, əvvəlcədən konvertasiya etməyə başlayıb. Rublun möhkəmlənməsi mayın 10-dan başlayıb. Tədricən Rusiya valyutası öz mövqelərini bərpa edərək hər gün bir dollar üçün 90 rubl səviyyəsinə yaxınlaşdı. Mayın 22-də o, nəhayət merika valyutası ilə münasibətdə 89,95 rubla düşdü. Bu gün rubl daha da irəli gedib, bir dollar üçün 89,75 rubla qədər möhkəmlənib. Bu həftə kifayət qədər vəziyyət yaxşıdır, amma gələn həftə dəyişiklik gözləyirəm”.
Digital Broker analitiki Natalia Pyryeva isə hesab edir ki, rublun möhkəmlənməsi davamlı deyil:
“Hesablamalarımıza görə, möhkəmlənmə bir ay davam edə bilər. Biz indi yayın ortalarında pik nöqtəsinə çatacaq dividend ödəmə mövsümünün başlanğıcındayıq. Gözlənilən dividendlərin təxminən yarısı, vaxtından əvvəl xarici valyuta sata bilən ixrac yönümlü şirkətlərdən gəlir. Bundan əlavə, yüksək faiz dərəcələri, nəzəri olaraq, rublu da dəstəkləməlidir, lakin pozulmuş transsərhəd kapital axını kontekstində bu amilin təsir dərəcəsini qiymətləndirmək çətindir. Düzdür, hazırda vəziyyət rublun möhkəmlənməsi üçün əlverişlidir. Proqnozlara görə, ısa müddətdə rublun məzənnəsi bir dollar üçün 88-94 rubl-dan 97-99 rubl diapazonunun aşağı həddinə yaxınlaşaraq ticarətini davam etdirəcək”.
Bizi sosial şəbəkələrdən izləyin!!
