- "Virgin Group" şirkətinin sahibi
- Sərvəti: 4,9 milyard dollar, sərvətinin mənbəyi- Virgin Group, özü qazanıb (self-made)
- Forbes milyarderləri siyahısındakı yeri: 302
- Yaş 64, ailəli, 2 uşağı var.
Riçard Brensonun 16 yaşı olduqda davamiyyətsizlik səbəbindən məktəbdən qovulur. Onun pis qiymətləri tənbəlliklə deyil, disleksiya problemi ilə izah olunurdu. Məktəbdən qovularkən direktoru ona demişdi: “Əlvida Riçard. Sən ya həbsə düşəcəksən, ya da inanılmaz şəkildə varlanacaqsan”.
Bu vaxta qədər Brensonun artıq kifayət qədər təcrübəsi var idi: onun sinif yoldaşları dərs oxuyarkən, o yeni biznes ideyalar fikirləşirdi.
Fərqli düşüncə tərzi
“Düşünün ki, Siz bir hava yolları şirkəti yaratmaq istəyirsiniz. Təbii ki, şirkətinizə ad qoymaq istəyirsiniz. Hansı tip ad qoyarsınız? Çoxlu ad alternativləri ola bilər, məsələn Siz hava yolları şirkətinin adını “bakir” (virgin) olaraq qoymaq istəyərsinizmi? Bunu səs verməyə qoysanız, ətrafınızdan soruşsanız heç bir şəkildə cavab müsbət olmayacaq. (bəlkə də bu azərbaycanlı düşüncə tərzi ilə bağlıdır). Mümkün deyil. Necə ola bilər ki, hava yolları şirkətinin adını “bakir” qoyasan?! Amma Riçard Brenson bunu etdi. O nəyin ki, hava yolları şirkətinin adını “bakir” qoydu, o “bakir” adı ilə imperiya yarada bildi. Virgin (Azərbaycan dilində bakir deməkdir) adı ilə qurulan şirkət çalışdığı sektorlarda ən mənfəətlilərdən biridir. Səbəb Virgin brendinin insanlara uçuşdan daha artıq şey verməsi, onları hava limanında heç zaman tərk etməməsi ilə bağlıdır.. Müştərilər “bakir”-i üstün tutur.. Düşündükdə buna Riçard Brensondan başqa heç kim razı olmazdı… Bu sırf Ricardın diktator şəklində gərar qəbul etməsidir. – (İlkin Manafovdan)
Biznesə qeyri standart yanaşma
Daim pozitiv hərəkətləri ilə diqqət çəkən Riçard Brenson bildirir ki, onun Virgin Group şirkətinin Britaniya və Amerika ofislərinin əməkdaşları istədikləri müddəti məzuniyyət olaraq əldə edə bilərlər. Lakin bir şərtlə ki, iş 100% yerinə yetirilmiş olsun.
Brenson bildirir: “Əməkdaş 1 saatlıqmı, 1 günlükmü, yaxud 1 həftə və aylıqmı məzuniyyətə gedir? Bunu onun özü seçir. Lakin o bunu öz işini tamamilə yerinə yetirdikdə və getdikdən sonra komandanın işi qaldığı yerdən davam edəcəyinə əmin olduqda edir”.
Burada Stiv Jobsun “24 saat deyil, baş ilə işləmək lazımdır” ifadəsi yada düşür.
Mərcdə uduzdu və stüardessa oldu
Ekssentrik milyarder, hətta bir dəfə rəqib şirkət "AirAsia"nın təyyarəsində stüardessalıq edib, çünki rəqibi ilə mərc gəlib və uduzub:
Riçard Brenson 6 saat davam edən uçuş zamanı sərnişinlərə yemək və sərinləşdirici içkilər paylayıb. Bundan başqa, o, sərnişinləri uçuş-eniş, təyyarənin qalxdığı yüksəklik haqda məlumat verib. Riçard Brenson stüardessa olmaq üçün ətək, bluzka, qadın corabları geyinib və qırmızı dodaq boyası çəkib. Onun bu addımı ətrafdakıları həm əyləndirib, həm də təəccübləndirib.
"AirAsia"nın rəhbəri Toni Fernandes isə təyyarədə sadə sərnişin olub. Fernandes Brensonun işini "heç nəyə yaramaz" kimi qiymətləndirib. İş vaxtı bitdikdən sonra iki milyarder birgə xatirə şəkili çəkdiriblər. Tərəflərin razılaşmasına görə, əldə edilən gəlirin yarı hissəsi xeyriyyə işlərinə gedəcək. Həmin reysin qiyməti 400 dollar olub.
Mərcin səbəbi isə 2010-cu ildə keçirilən "Formula-1" yarışları olub. Belə ki, həmin vaxt iş adamları bu yarışda hansı komandanın daha yaxşı çıxış edəcəyinə dair mərc gəliblər. Nəticədə “AirAsia"nın sahibi Toni Fernandes qalib gəlib.
Kosmik fəzanın kəşfi
O, demək olar ki, başladığı hər bir işdə uğura nail olub. Onun şəxsi firması tərəfindən hazırlanmış Virgin America özəl kosmik gəmisinin fəzaya uğurlu uçuşu da uğurla baş tutub.. Brensonun firması kosmik daşımalar və kosmos turizmi ilə məşğul olur. Riçard həm də bir neçə kitab müəllifidir, o tez-tez televiziyalarda çıxışlar edir,
İndi isə Sizə onun şəxsi və biznes təcrübəsindən irəli gələn bəzi tövsiyələrini təqdim edirik.
1. Əgər belə bir imkanınız varsa, evdən işləyin
“Mən işləyəndə, vaxtımı əbəs yerə itirməyi xoşlamıram. Bayram günlərində isə işlər haqqında unudaraq, evdə istirahət etməyi sevirəm. Amma iş günləri müddətində mən evdə oturaraq işləməyi üstün tuturam, belə olduqda ofisə getməyə və sonra geriyə qayıtmağa görə əlavə vaxt itkim olmur. İş yeri qismində yelləncək və ya divanı seçmək mənim üçün daha xoşdur”.
2. Özünüz üçün vaxt ayırın
“Mən səhər erkən yuxudan dururam –haradasa saat 6.30 radələrində. Bundan sonra mən üzgüçülüklə məşğul olur, tennis oynayır və daha başqa bir idman növü ilə məşğul oluram. Mən artıq qeyd etmişdim ki, evdə işləməyin əsas üstünlüyü –vaxtını əbəs yerə sərf etmədən işləməkdir. . İşləmək üçün ən optimal vaxt müəyyən edin və mümkün qədər effektiv işləyin”.
3. İşdə fasilələr edin
“Bundan əlavə naharınızı tam edin – qəlyanaltı qismində buterbrodlardan istifadə etmək lazım deyil –yeməyinizi tam yeməlisiniz. Mən keyfiyyətli nahar edir, sağlamlığa xeyirli, faydalı məhsullar seçirəm. Bundan əlavə mən çoxlu çay və qəhvə içirəm”.
4. Öz sahənizdə birinci olmağa çalışın
“Əgər siz digərlərinin mümkün olmadığı bir işi etmək qərarına gəlmisinizsə, riskləri bir daha hesablayın və əgər hər şey yaxşıdırsa, onda bunu edin. Öz sahənizdə birinci olmağa çalışın. İnsanların içərisinə isti hava doldurulmuş böyük hava şarı ilə uçmaq barədə dediyi fikirləri yada salın. Amma buna rəğmən həmin ideyanı gerçəkləşdirən insanlar tapıldı, indi isə biz kosmosa uçuşlar edirik.
5. Riskləri nəzərə alın, amma pessimist olmayın
“İstənilən bir işdə biz riskləri hesablamalı, və işin yerinə yetirilməsinin nə dərəcədə real olmasını qiymətləndirməliyik. Amma pessimist olmağa dəyməz, çünki bədbin olsanız sizdə çox güman ki, heç nə alınmayacaq”.
6. Özünüzü iş aludəçisinə çevirməyin
“Mənim fəlsəfəm sadədir –biz bu həyata bir dəfə gəlirik. Elə yaşayın ki, sizin özünüz üçün də xoş olsun. Bu, bütün həyatı boyu demək olar ki, istirahət etmədən işləməkdən daha maraqlıdır. Bundan əlavə sadəcə sizə xoş olan işləri görün. Sadəcə bunu edin.
7. Uğura nail olmaq üçün plan qurun
“Bu, həm bütünlükdə həyata, həm də ayrılıqda hər bir işinizə aiddir. Risklərin qiymətləndirilməsinin əsas üstünlüklərindən biri də odur ki, sizin planlarla bağlı hər ehtimala qarşı bir neçə alternativ variantlarınız olacaq. Bundan əlavə işə bir neçə yaxşı və düzgün işləməyi bacaran insanlar götürün və onların öhdəliklərini düzgün müəyyənləşdirin.
8. Xırda öhdəlikləri başqasına həvalə edin
“Əgər sizin belə bir imkanınız varsa, gündəlik təkrarlanan işi həyata keçirmək üçün bir neçə əlavə işçi götürün. Onlar ödənişləri həyata keçirməli, gündəlik telefon zənglərini və ya elektron məktublara cavab verməlidir”.
9. Vaxtınızı öz ailənizlə keçirin
“Öz ailən ilə vaxt keçirmək olduqca vacibdir –bu xüsusən də sizin diqqət və sevginizə ehtiyac duyan uşaqlarda müşahidə edilir. Açıq-aşkar münasibətlər – hər bir ailəyə zəruri olan bir nüansdır, bu insanlara konfliktdən qaçmağa köməklik edir”.
Biz sizdə insan xəstəliyi aşkar etmişik... Siz hər gün müalicəvi sunami kapsulları və 8 ballıq zəlzələ həbləri qəbul etməlisiniz... Təbii ki, bütün bunlar ciddi quraqlıq nəzarəti altında həyata keçməlidir..