Müəllif:Mehin Qasımova,Banco.az

Elektrikli avtomobil istehsalçısı "Tesla" 2026-cı ilin ikinci rübündə 480 min 126 avtomobil tədarük edərək "Wall Street" analitiklərinin proqnozlarını üstələyib.

Banco.az xəbər verir ki, buna baxmayaraq, şirkətin səhmləri açıqlamadan sonra dəyər itirib.

Analitiklərin fikrincə, bazarın mənfi reaksiyası investorların "Tesla" ilə bağlı yüksək gözləntilərindən qaynaqlanır.

İnvestorlar artıq yalnız rekord satış göstəricilərini deyil, həm də şirkətin gəlirliliyini qorumasını və yeni texnologiyaları daha sürətlə kommersiyalaşdırmasını gözləyirlər.

Ekspertlər bildirirlər ki, "Rivian" kimi rəqiblərin orta qiymət seqmentində fəaliyyətini genişləndirməsi "Tesla" üçün rəqabəti gücləndirib. Eyni zamanda, şirkət 2026-cı il üzrə kapital xərcləri planını 20 milyard dollardan 25 milyard dollara yüksəldib ki, bu da mənfəət marjasına təsirlə bağlı narahatlıqları artırıb.

Bundan əlavə, Tam Özünəxidmət (FSD) sistemi və robotaksi layihəsinin tətbiqində gecikmələr də investorların inamına mənfi təsir göstərir.

Mütəxəssislər hesab edirlər ki, "Tesla" üçün satış proqnozlarını aşmaq artıq kifayət deyil və bazar şirkətdən innovativ layihələri daha sürətli gəlir gətirən məhsullara çevirməsini gözləyir.