Bu həftə ABŞ-Çin ticarət müzakirələri, Fed-in faiz qərarı və iqtisadi göstəricilər kimi dünya iqtisadiyyatı üçün həlledici hadisələr yaxından izlənəcək
29 İyun - 2 avqust həftəsi Dünya iqtisadiyyatı üçün ilin ən mühüm həftəsi kimi səciyyələndirilir. "Marja" xəbər verir ki, bu həftədə Çərşənbə günü (31 İyul), bazarların və iqtisadçıların 10 il fasilədən sonra ilk dəfə faiz endirimi olacağına dair həmfikir olduqları ABŞ Mərkəzi Bankının (Fed) faiz qərarı gündəmə istiqamət verəcək.
Fed faiz qərarını 31 İyul, Bakı vaxtı ilə saat 22:00-da açıqlayacaq. Faizin 2,50%-dən 2,25%-ə endirələcəyi gözlənilir. 22:30-da isə Fed sədrinin mətbaut konfransı başlayacaq.
Bəzi Fed müşahidəçiləri faizin 50 bənd azaldılacağı proqnozunu versələr də, siqnallar Fed-in böyük bir həmlədən çəkinərək faizi 25 endrim edəcəyi istiqamətindədir. Həmçinin Fed-in, tarixin ən yüksək səviyyələrindəki iqtisadi artımı və yenidən canlanan inflyasiyanı davam etdirmək üçün gələcək həmlələr üçün də açıq qapı qoyacağı ehtimal edilir.
Gələn həftə iqtisadiyyatın gedişatını formalaşdıracaq tək hadisə Fed-in faiz qərarı olmayacaq.
Bazar ertəsi günü ABŞ-ın Xəzinə naziri Stiven Mnuchin və ABŞ Ticarət Nümayəndəsi Robert Lighthizer, dünyanın ən büüyk iki iqtisadiyyatı arasında gedən və May ayında iflasa uğrayan yüksək səviyyəli ticarət danışıqlarını davam etdirmək məqsədilə Çinə gedəcəklər.
Sonra, Cümə günü, ABŞ-da açıqlanacaq məşğulluq göstəricisi Fed-in həmləsinin lazım olub-olmadığına işıq tutacaq. Bloomberg tərəfindən keçirilmiş sorğuya görə kənd təsərrüfatı xaric məşğulluğun İyundakı 224 minlik səviyyədən daha aşağı, 166 min artması gözlənilir.
Əlavə olaraq Çərşənbə axşamı günü Yaponiya Mərkəzi Bankının, Çərşənbə günü Braziliya Mərkəzi Bankının iclasları ilə bərabər, Cümə günü, bir çox sənayenin durğunluq təhlükəsi ilə üz-üzə olduğu narahatlıqları arasında qlobal istehsal göstəriciləri açıqlanacaq.
Marja
