Müəllif: Tamara Mustafayeva, Banco.az
Qazaxıstanın Almaniyaya ilkin mərhələdə 20 min ton neft göndərdiyi bildirilib.
Banco.az xəbər verir ki, bu barədə Qazaxıstan Milli Neft Nəqliyyatı Şirkəti (KazTransOil) açıqlama verib.
Açıqlamada qeyd olunub ki, fevralın 25-də Almaniyaya ixrac üçün 20 min ton Qazaxıstan nefti Polşa sərhədindəki Adamova Zastava neft terminalına göndərilib.
Həmçinin bildirilib ki, neftin Adamova Zastava terminalına ötürülməsi üçün Rusiyanın neft və qaz nəqli şirkəti olan “Transneft” şirkətinin boru kəmərlərinə neft vurulub.
Xatırladaq ki, “KazTransOil” “Transneft” vasitəsilə 2023-cü ildə eyni marşrut üzrə 1,2 milyon ton Qazaxıstan neftinin Almaniyaya ötürülməsi ilə bağlı razılıq əldə edib.
Bizi sosial şəbəkələrdən izləyin!!
