Çinin ən böyük neft və qaz hasailatçısı olan "PetroChina" şirkəti tarixində ən böyük çətinliklə üzləşib.
"USA Today" qəzetinə istinadən xəbər verilir ki, şirkətin kapitallaşması son 10 ildə 5 dəfə azalaraq 1 trln. dollardan 200 mlrd. dollara düşüb.
2007-ci ildə özəlləşdirilərək səhmləri fond birjasına çıxarılan "PetroChina"nın bazar dəyəri 1 trln. dollara yüksələrək dünyada ilk dəfə bu qiymətə çatan şirkət olub. Son 10 ildə isə şirkətin səhmlərinin qiyməti 82% azalıb və səhm sahibləri 800 mln. dollar itiriblər.
Qeyd edək ki, "PetroChina" özəlləşdiriləndə neftin qiyməti 68 dollar/barel təşkil edib. Hazırda isə neft 62 dollar/barelə satılır. "PetroChina"da yaşanan çöküş şirkət olaraq dünyanın ən böyük itkisi kimi qiymətləndirilir.
Mənbə: Report.az
