“PAŞA Bank” ASC 2018-ci ili 77 milyon 57 min manat xalis mənfəət ilə başa vurub. Müqayisə üçün qeyd edək ki, Bank, 2017-ci ili 58 milyon 994 min manat xalis mənfəət ilə bağlamışdı. Beləliklə, illik müqayisədə “PAŞA Bank”ın xalis mənfəəti 30,6% artıb.
2017-ci illə müqayisədə “PAŞA Bank”ın faiz gəlirləri 15 milyon 355 min manat və ya 9,7% artaraq 173 milyon 512 min manat təşkil edib. Bank 2017-ci ildə 158 milyon 157 min manat faiz gəliri əldə etmişdi.
PAŞA Bankın qeyri-faiz gəlirləri isə xarici valyutadan xalis gəlirlərin azalması ilə əlaqədar olaraq 32,1% azalaraq 33 milyon 205 min manata düşüb. Qeyd edək ki, Dollar/Manat məzənnəsi sabitləşdiyindən spredlər də azalıb. Spredlərin azalması, bankların valyuta əməliyyatlarından gəlirlərinin azalması ilə nəticələnib.
2018-ci ildə “PAŞA Bank”ın, xərclər gəlirlərdən çıxıldıqdan sonra, mənfəət vergisi xərcindən əvvəl mənfəəti 98 milyon 837 min manat təşkil edib. 2017-ci ildə bu məbləğ 73 milyon 798 min manat idi. “PAŞA Bank” ötən il 21 milyon 780 min manat mənfəət vergisi ödəyib.
“PAŞA Bank”ın qiymətli kağızlara investisiyası müştərilərə verilmiş kreditləri aşıb
AKTİVLƏRİ 1 MİLYARD MANATDAN ÇOX ARTIB
31 Dekabr 2018-ci il tarixində “PAŞA Bank” 4 milyard 695 milyon 717 min manat cəmi aktivlərə malik olub. Bu, 2017-ci ilin sonu ilə müqayisədə 1 milyard 144 milyon manat və ya 32,2% çoxdur. Aktivlərin 1 milyard 440 milyon 257 min manatını investisiya qiymətli kağızları (3,6 dəfə artıb), 1 milyard 320 milyon 893 min manatını müştərilərə verilmiş kreditlər (40% artıb), 1 milyard 99 milyon 889 min manatını kredit təşkilatlarından alınacaq məbləğlər (24% azalıb) və s. təşkil edib.
2017-ci illə müqayisədə ötən il “PAŞA Bank”ın müştərilər qarşısında öhdəlikləri 1 milyard 101 milyon 306 min manat və ya 39% artaraq 3 milyard 923 milyon 288 min manata qalxıb.
Ötən ilin sonunda “PAŞA Bank” 418 milyon 148 min manat cəmi kapitala malik olub.
Marja
