Müəllif: Tamara Mustafayeva, Banco.az
“Tesla”nın tədarükçüsü “Panasonic” batareya tutumunu dörd dəfə artıracaq.
Banco.az xəbər verir ki, “Panasonic Holdings Corp” 2031-ci ilin mart ayınadək illik batareya istehsal gücünü dörd dəfə artırmağı planlaşdırdığını açıqlayıb.
Bu barədə “Panasonic Holdings Corp”un baş direktoru Yuki Kusumi açıqlama verib.
O bildirib ki, elektromobillərə tələbatın artacağını nəzərə alaraq şirkətin illik batareya istehsal gücünü artırmağı düşünürlər.
ABŞ-ın elektromobil nəhəngi “Tesla”nı akkumulyatorlarla təmin edən Osakada yerləşən şirkətin əsas diqqətini silindrik batareyalara yönəldəcəyi vurğulanıb.
Qeyd edək ki, yapon firma istehsalı sürətləndirmək üçün noyabr ayında ABŞ-ın Kanzas şəhərində 4 milyard dollarlıq yeni akkumulyator fabrikinin təməlini qoymuşdu.
Bizi sosial şəbəkələrdən izləyin!!