Müəllif: Tamara Mustafayeva, Banco.az
Panama Kanalındakı tarixi quraqlıq iqtisadiyyata mənfi təsirlər göstərməkdədir.
Banco.az xəbər verir ki, Panama Kanalındakı tarixi quraqlıq suyun səviyyəsini aşağı saldığından kanalda gəmilərin hərəkəti zəifləyib və enerji əmtəələrinin ticarəti dayandırılıb.
Rəsmi məlumatlar göstərir ki, Panama Kanalında yağıntılar oktyabr ayında qeydə alınmanın başladığı 1950-ci ildən bəri ən aşağı səviyyəyə çatıb ki, bu da kanalda nəqliyyatın hərəkətinə təsir göstərib.
Açıqlamada kanaldan keçmək üçün ayrıla biləcək gəmilərin sayının noyabr ayında azalacağı və fevral ayına qədər azalmağa davam edəcəyi bildirilib. Bu vəziyyət mayeləşdirilmiş təbii qaz (LNG) kimi emal olunmuş neft məhsullarının daşınma müddətlərinə və qiymətlərinə də mənfi təsir göstərir.
“Bloomberg” nəşrinin məlumatına görə, Şimali Asiya bazarlarına çatdırılan LPG növü olan propanın qiyməti həftənin əvvəlindən bəri 10 faizə qədər artaraq çərşənbə günü bir tonu 750 dollara çatıb ki, bu da yanvar ayından bəri ən yüksək səviyyədir.
Bizi sosial şəbəkələrdən izləyin!!
