Roberto Eskobar qardaşı Pablo Eskobarın obrazını “Narcos” serialında istifadə etdiyi üçün “Netflix” şirkətindən 1 milyard dollar tələb edir.
Xarici mətbuata istinadən xəbər verilir ki, Roberto Eskobarın sözlərinə görə, Eskobar ailəsinin və Medelyin kartelinin bütün üzvlərinin adları yaratdığı “Escobar İnc” şirkətinə aiddir. “Netflix” şirkəti isə onlardan istifadə edərək, müəllif hüquqlarını pozub. O, bu məbləği almayacağı təqdirdə, serialı bağlatdıracağını söyləyib.
Xatırladaq ki, 2015-ci ildən yayımlanan “Narcos” serialı “Netflix” şirkətinə 18 milyard dollar gəlir gətirib.
Mənbə: Oxu.az
