Müəllif: Tamara Mustafayeva, Banco.az
Nyu-Yorkda yerləşən “Adaptive Security” şirkəti bu gün “OpenAI”ın vençur fondu və “Andreessen Horowitz” tərəfindən birgə rəhbərlik etdiyi A seriyasında 43 milyon dollar vəsait topladığını açıqlayıb.
Banco.az xəbər verir ki, müasir dövrdə süni intellektdən istifadə etməklə artıq bir CEO-nun dərin saxtalaşdırma (deepfake) üsulu ilə imitasiya olunmasından tutmuş, saxta qəbzlərin hazırlanmasına qədər sosial mühəndislik hücumları həyata keçirmək daha asan və mümkün olub. Bu səbəbdən, bu sahədə fəaliyyət göstərən kibertəhlükəsizlik şirkətləri sərmayə toplayaraq sürətli inkişaflarını davam etdirirlər.
Dünya miqyasında ən məşhur süni intellekt şirkəti olan “OpenAI” da bu sahədə fəaliyyət göstərən kibertəhlükəsizlik startapına ilk investisiyasını edib. Nyu-Yorkda yerləşən “Adaptive Security” adlı şirkət açıqlamasında bildirib ki, “OpenAI”ın sərmayə fondu və Andreessen Horowitz tərəfindən birgə idarə olunan 43 milyon dollarlıq A Seriyası sərmayəni cəlb edib.
“Adaptive Security” süni intellekt tərəfindən yaradılan "xaker hücumlarını" simulyasiya edərək əməkdaşları bu təhlükələri aşkar etməyə öyrədir. “Adaptive” şirkətin hansı bölmələrinin daha zəif olduğunu qiymətləndirir, əməkdaşları riskləri müəyyən etməyə hazırlayır və mətnlərin, eləcə də e-poçtların düzgünlüyünü yoxlayır.
Bizi sosial şəbəkələrdən izləyin!!
