Səudiyyə Ərəbistanının neft naziri Şahzadə Əbdüləziz bin Səlman: OPEC-ə üzv olmayan müttəfiqlərimiz ilə görüşmədən əvvəl bir razılaşma olduğunu söyləyə bilmərik.
Neft İxrac edən Ölkələr Təşkilatının (OPEC) 177-inci yığıncağından qərar çıxmadı.
Avstriyanın paytaxtı Vyanada dünən yerli saatla 17.15-də 2 saat gecikmə ilə başlayan yığıncaq, yerli saatla 23.05-də (Bakı vaxtı ilə saat 02.05) sona çatıb.
Mətbuata bağlı təşkil edilən və təxminən 6 saat davam edən yığıncağın ardından, OPEC-in xam neft istehsalının azaldılması müddətini uzatması və ya istehsalı daha çox azaltmaq haqqında hər hansı bir qərar çıxmayıb.
OPEC-in Baş qərargahında yığıncağın ardından keçirilməsi lazım olan mətbuat konfransı da ləğv edilib.
Təşkilat üzvü 14 ölkənin enerji və neft nazirlərinin bir çoxu da yığıncağın ardından mətbuat mənsublarının suallarını cavabsız qoyaraq, OPEC-in Baş qərargahından gediblər.
Səudiyyə Ərəbistanının Neft naziri Şahzadə Əbdüləziz bin Salman, yığıncaqdan sonra jurnalistlərə verdiyi açıqlamada, "OPEC-ə üzv olmayan müttəfiqlərimiz ilə görüşmədən əvvəl bir razılaşma olduğunu söyləyə bilmərik" deyib.
Selman, bir jurnalistin, "Yaxşı, OPEC üzvləri arasında bir razılaşma varmı?" sualına isə "Təbii ki" cavabını verib.
Rusiya daxil 10 OPEC üzvü olmayan neft istehsalçısı ölkələrin OPEC-lə birlikdə təşkil edəcəyi 7-inci Nazirlər Yığıncağı, bu gün yerli saatla 11.00 (Bakı vaxtı ilə 14.00) Viyanada başlayacaq.
Dünən Viyanada OPEC və OPEC-ə üzv olmayan ölkələrin iştirak etdiyi Ortaq Nazirlər İzləmə Komitəsi (JMMC) Yığıncağının ardından mətbuat mənsublarına açıqlama verən Rusiyanın Energetikai naziri Aleksandr Novak, OPEC-in neft istehsalını əlavə gündəlik 500 min barel azaldılmasını tövsiyə etdiyini söyləmişdi. Hazırkı razılaşmaya görə, OPEC və OPEC-ə üzv olmayan müttəfiqlər gündəlik hasilatlarını 1,2 milyon barel azaltmalıdırlar.
marja
