OPEC+ bir illik könüllü ixtisardan sonra neft hasilatını artırmağa başlayır.
Banco.az xəbər verir ki, səkkiz OPEC+ ölkəsi uzun müddət davam edən könüllü ixtisarlardan sonra aprel ayında neft hasilatını tədricən artırmağa başlayır - 2024-cü ilin əvvəlindən bu ölkələr bazarı tarazlaşdırmaq üçün hasilatı sutkada 2,2 milyon barel azaldıblar.
Rusiya, Səudiyyə Ərəbistanı, İraq, BƏƏ, Küveyt, Qazaxıstan, Oman və Əlcəzair 2024-cü ilin əvvəlindən könüllü olaraq hasilatın azaldıblar. Hasilatın mərhələli şəkildə bərpası ilkin olaraq 2024-cü ilin oktyabr ayına planlaşdırılırdı, lakin bu qərar bir neçə dəfə təxirə salınıb. Nəticədə aprel ayından hasilatın artımı başlayır. Məlumata görə, aprel ayında OPEC+ ölkələri alyansın bəzi üzvlərinin artıq hasilatı kompensasiya etmək öhdəliyini nəzərə alaraq hasilatı sutkada 88 min barel artırmalıdır. Azaldılmış 2,2 milyon barelin bazara qayıdışı 2025-ci ilin aprelindən 2026-cı ilin sentyabrına qədər davam edəcək. Bu tarixə qədər Rusiya hasilatı sutkada 9,949 milyon barelə, Səudiyyə Ərəbistanı isə sutkada 9,978 milyon barelə qədər bərpa etməli olacaq. Hazırda hər iki ölkənin sutkada 8,978 milyon barel hasil edəcəyi gözlənilir. Eyni zamanda, OPEC+ etiraf edir ki, hasilatın artımı dayandırıla bilər və ya alyans hətta bazardakı vəziyyətdən asılı olaraq hasilatın azaldılmasına qayıda bilər.
Bununla belə, OPEC+ ölkələrinin heç də hamısı 2024-cü ilin əvvəlindən neft hasilatının azaldılması ilə bağlı öhdəliklərinə tam əməl etməyib.
