Almaniyanın dövlət bankı — Kreditanstalt für Wiederaufbau (KfW) başqa bir bankın hesabına səhvən 5,4 milyard dollar köçürüb. Hadisə texniki nasazlıq səbəbindən baş verib və köçürülən məbləğ bir neçə dəfə təkrarlanıb.
"Biz tez bir zamanda bu səhvdən xəbər tutduq və onu aradan qaldırdıq. Köçürülən məbləğ geri qaytarıldı".
2008-ci ilin sentyabrında da bank səhvən o dövrdə artıq müflis olan Lehman Brothers bankının hesabına 300 milyon avrodan çox vəsait köçürüb. Hadisə siyasi qalmaqala səbəb olub, mətbuat isə KfW-ni "Almaniyanın ən axmaq bankı" adlandırıb.
KfW Deutsche Bank və Commerzbank-dan sonra Almaniyanın üçüncü ən iri bankıdır.
©İstiPress
