Istər ölkədaxili, istərsə də beynəlxalq səviyyədə pul köçürmələri bir sıra yollarla həyata keçirilir. Azərbaycanda banklararası pul köçürmələri əsasən XÖKHS (Xırda Ödənişlər üzrə Hesablaşma Klirinq sistemi), AZİPS (Real Vaxt Rejimində Banklararası Milli Hesablaşmalar sistemi/Azerbaijan İnterbank Payments System), S.W.I.F.T. və KÖMİS (Kütləvi Ödənişlər üzrə Mərkəzləşdirilmiş İnformasiya Sistemi) vasitəsilə həyata keçirilir. Bununla yanaşı, banklar tərəfindən əsasən fiziki şəxslərə təcili pul köçürməsi xidmətləri göstərilir ki, bu xidmətlər daxilində şəxs bankda hesab açmadan dünyanın istənilən nöqtəsinə bir neçə dəqiqə ərzində pul köçürə bilər. Azərbaycanda fəaliyyət göstərən pul köçürmələri sistemləri arasında ən məşhur olanları Western Union, Contact, Blizko, Privat Money, Caspian Money Transfer, Migom və s.dir.
Lakin bununla yanaşı Azərbaycanın bir sıra bankları özlərinin pul köçürmə sistemlərini yarada bilmişlər. Həmin banklara Zamin Bank (Caspian Money Transfer), Muğanbank (Monex), Azərbaycan Beynəlxalq Bankı (IBA-Express), AccessBank (AccessTransfer), AFB Bank (AFB Transfer), DəmirBank (Şimşək) və Kapital Bank (Xəzri) daxildir.
2006-cı ildə ilk Azərbaycan beynəlxalq pul köçürmə sistemi olan "Caspian Money Transfer"i "Zaminbank" ASC tərəfindən yaradılmışdır. CMT sisteminə Azərbaycanın aparıcı bankları, həmçinin Ukrayna, Özbəkistan, Türkiyə, Tacikistan, ABŞ, Rusiya, Çexiya, BƏƏ, Litva, Latviya, Qırğızıstan, Çin, Qazaxıstan, İtaliya, İspaniya, Gürcüstan, Yunanıstan, Almaniya, Böyük Britaniya, Belarusiya (MDB ölkələri, Rusiya, Yaxın və Uzaq Xaric ölkələri) kimi ölkələrin bankları da qoşulublar.
.jpg){kind=spacer} Ölkələr |
Məbləğ (AZN) | Tariflər | Məbləğ (AZN) | Tariflər |
| Azərbaycan: Zaminbank filial və şöbələri | 5000 AZN-ə qədər | 0.2% | 5000 AZN-dən yuxarı | 0.1% |
| Digər yerli partnyor banklar | 5000 AZN-ə qədər | 0.6% | 5000 AZN-dən yuxarı | 0.5% |
| Məbləğ (USD/EUR) | Tariflər (USD/EUR) | Məbləğ (RUR) | Tariflər (RUR) | |
| Yuxarıda qeyd olunan digər ölkələr | 100-dən aşağı | 3 | 1000-dən aşağı | 18 |
| 101-200 | 4 | 1001-3000 | 35 | |
| 201-300 | 6 | 3001-6000 | 80 | |
| 301-400 | 8 | 6001-10000 | 150 | |
| 401-500 | 10 | 10001-15000 | 240 | |
| 501-600 | 12 | 15001-20000 | 330 | |
| 601-700 | 15 | 20001-30000 | 480 | |
| 701-800 | 18 | 30001-40000 | 670 | |
| 801-900 | 20 | 40001-50000 | 860 | |
| 901-1000 | 25 | 50001-65000 | 1130 | |
| 1001-1500 | 28 | 65001-80000 | 1410 | |
| 1501-2000 | 30 | 80001-100000 | 1700 | |
| 2001-dən yuxarı | 1.5% | 100001-dən yuxarı | 1.5% |
“MONEX” təcili pul köçürmə sistemi 2011-ci ildə yaradılıb. “MONEX” sistemi fiziki şəxslər arasında beynəlxalq və ölkədaxili pul köçürmələri üçün vasitədir. Monex Azərbaycan daxilində AccessBank, AFB Bank, AGBank, Amrahbank, Atabank, Atrabank, ASB, Azər-Türk Bank, Bank Avrasiya, Bank BTB, Bank of Azerbaijan, Bank of Baku, Bank Respublika, Bank Standard, DəmirBank, Expressbank, Gəncə Bank, Muğan Bank, Naxçıvan Bank, NBC Bank, Nikoil Bank, ParaBank, Qafqaz İnkişaf Bankı, RabitəBank, TuranBank, Unibank, Xalq Bank, United Credit Bank və Zamin Bank kimi banklarla əməkdaşlıq edir. Bununla yanaşı, Gürcüstanda “Alpha Express”, “Bank Konstanta” və “İnvestBank”, Özbəxistanda “Asiya Express”, BƏƏ-də “İnstant Cash”, Çexiyada “MoneyPolo”, Rusiyada isə “Test KB” və “İnvestment Union KB” kimi partnyorları vardır.
.JPG) Ölkələr |
Tariflər | Valyuta |
| Azərbaycan daxilində | 0.2% (min. 1 AZN/USD/EUR; 30 RUR) | AZN, USD, EUR, RUR |
| Çexiya, Böyük Britaniya, Monqolustan, Nepal | 1.5% | USD, EUR |
| Özbəkistan | 1.5% | USD |
| BƏƏ, Səudiyyə Ərəbistanı, Küveyt | 1.5%, (min. 10 USD) | USD |
| Rusiya | 1.5% | USD, EUR, RUR |
| Gürcüstan | 1.5% | USD, EUR |
IBA-EXPRESS təcili pul köçürmələri sistemi 2009-cu ildə ABB və onun törəmə şirkəti olan “Bank MBA-Moskva” tərəfindən yaradılmışdır. IBA-EXPRESS sistemi üzrə köçürmələrin maksimal məbləği - 20000 ABŞ dolları, 15000 Avro, 590000 Rus rubludur. Pul köçürmələri ABB-Moskva ilə ABB arasında həyata keçirilmişdir.
 Ölkələr |
Məbləğ | Tariflər |
| Gürcüstan, Qırğızıstan | 1-300 USD/EUR; 51-9000 RUR | 3 USD/EUR; 90RUR |
| 301-20000 USD; 301-15000 EUR; 9001-590000 RUR | 1% | |
| Tacikistan | 1-20000 USD; 1-15000 EUR | 1.5% |
DəmirBank ölkədaxili pul köçürmələrini həyata keçirən “Şimşək” sistemini yaratmışdır. “Pul köçürənə / alana mobil danışıq kartı hədiyyə” aksiyası çərçivəsində DəmirBank-ın filiallarında pul köçürmə sistemləri ilə pul göndərən və ya alan müştərilərə mobil rabitə ödəmə kartları hədiyyə edilir.
 Məbləğ |
Tariflər |
| 10-50 AZN/USD/EUR | 0.5 AZN; 1 USD/EUR |
| 51-100 AZN/USD/EUR | 1 AZN/USD/EUR |
| 101-150 AZN/USD/EUR | 1.5 AZN; 2 USD/EUR |
| 151-200 AZN/USD/EUR | 2 AZN/USD/EUR |
| 201-2000 AZN/USD/EUR | 0.5% |
| 2001-20000 AZN/USD/EUR | 0.3% |
Kapital Bankın “Xəzri” beynəlxalq sürətli pulköçürmə sistemi 2007-ci ildə yaradılıb. “Xəzri” Bankda hesab açmadan fiziki şəxslər arasında beynəlxalq sürətli pul köçürmələrinin aparılmasını təmin edir. Bu sistem Azərbaycanda, Rusiyada, Ukraynada və Gürcüstanda ümumilikdə 4200-dən artıq xidmət məntəqəsində tətbiq olunur.
 Ölkələr |
Tariflər | Valyuta |
| Azərbaycan daxilində | 0.8% (min. 1 AZN/USD; maks. 30 AZN/USD) | AZN, USD |
| Rusiya | 1.5% (min. 2 USD/EUR) | USD, EUR |
| Ukrayna, Gürcüstan | 1% (min. 2 USD/EUR) | USD, EUR |
| Tacikistan | 1% (min. 2 USD/EUR) | USD, EUR |
AccessBank öz müştərilərinə yeni "AccessTransfer" pul köçürmə sistemini təqdim edir. AccessBank-ın istənilən filialından bu köçürmələri həyata keçirmək mümkündür.
 Məbləğ |
Tariflər |
| 5000-ə qədər AZN/USD | 0.5% (min. 1 AZN/USD) |
| 5001-10000 AZN/USD | 0.3% (min. 25 AZN/USD) |
| 10000-dən yuxarı AZN/USD | 0.2% (min.30 AZN/USD) |
AFB Bank tərəfindən "AFB Transfer" pul köçürməsi sistemi təqdim edilmişdir. Sistem filiallararası pul köçürmələrini hesab açmadan həyata keçirmək üçün yaradılmışdır. Köçürülən məbləğ üçün 0.1% (min. 3 AZN) komissiya tətbiq edilir.
