Müəllif: Gülnar Əhmədli, Banco.az
Nvidia OpenAI-ya ABŞ-də SoftBank Group tərəfindən inşa ediləcək məlumat mərkəzinin hesablama gücünə çıxış əldə etməsinə kömək etmək üçün maliyyə dəstəyi verməyi müzakirə edir.
Banco.az xəbər verir ki, məlumata görə, Nvidia-nın zəmanətinin məbləği 250 milyard dollara qədər ola bilər.
SoftBank-ın Ohayo ştatındakı layihəsi 10 GVt gücündə məlumat mərkəzinin tikintisini nəzərdə tutur və çiplərin alınması da daxil olmaqla ümumi dəyərinin 500 milyard dolları keçəcəyi gözlənilir. Layihənin ilk mərhələsinin 2028-ci ildə tamamlanması planlaşdırılır.
Nvidia-nın zəmanəti SoftBank-a layihənin maliyyələşdirilməsini daha əlverişli şərtlərlə cəlb etməyə imkan verə bilər. OpenAI-ın bundan əlavə, planlaşdırılan məlumat mərkəzinin gücünü icarəyə götürmək üçün SoftBank ilə danışıqlar apardığı bildirilir. Bu imkanlarla maraqlanan digər şirkətlər arasında Anthropic, Microsoft və Google da var.
Mənbələr həmçinin Nvidia-nın OpenAI-nin çip alışlarının maliyyələşdirilməsi üçün 350 milyard dollara qədər vəsait ayırma imkanını müzakirə etdiyini bildirir.
Bizi sosial şəbəkələrdən izləyin!!
