Müəllif: Fərid İslamov/Banco.az
Yaponiyanın avtomobil istehsalçısı Nissan, şirkətin yeni ortamüddətli strategiyasına uyğun olaraq, yaxın üç il ərzində 30 yeni model, o cümlədən 16 elektromobil təqdim edəcək.
Nissan həmçinin 2026-cı maliyyə ilinin sonuna, yəni 2027-ci ilin martına qədər satışlarını 1 milyon avtomobil artırmağı və bir avtomobil üçün istehsalın maya dəyərini 30% azaltmağı planlaşdırır.
"Bazarın həddindən artıq dəyişkənliyini nəzərə alaraq, Nissan davamlı artım və gəlirliliyi təmin etmək üçün qətiyyətli addımlar atacaq" dedi şirkətin prezidenti və baş icraçı direktoru Makoto Uçida.
Nissan, 2027-ci ilin mart ayına qədər əməliyyat mənfəət marjasını 6%-dən yuxarı hədəfləyir.
2024-cü ilin əvvəlindən Nissan-ın kapitallaşması 13,5% artaraq 2,38 trilyon yenaya (15,73 milyard dollar) çatıb.
