Müəllif: Tamara Mustafayeva, Banco.az
Neft qiymətlərində bahalaşma müşahidə olunur.
Banco.az xəbər verir ki, neft OPEC+ liderləri Səudiyyə Ərəbistanı və Rusiyanın tədarükləri sərtləşdirməsi və ABŞ-ın xam neft ehtiyatlarının azalmasından sonra ikinci həftəlik qazanc əldə edib.
ABŞ xam nefti həftəlik təxminən 2% bahalaşaraq bir bareli 72 dolları keçib. ABŞ xam nefti may ayının sonundan bəri ilk dəfə ardıcıl olaraq ikinci dəfə həftəlik bahalaşıb.
Brent markalı neftin bir bareli isə 0,65 faiz bahalaşaraq 77,04 dollara satılır.
Qeyd edək ki, Səudiyyə Ərəbistanı gündəlik 1 milyon barellik birtərəfli tədarük ixtisarını avqust ayına qədər uzatdığını elan etdikdən sonra Avropa və Aralıq dənizindəki xam neftinin qiyməti kütləvi şəkildə artıb. Bundan əlavə, Rusiya hasilatı azaltmasa belə, ixracı yarım milyon barel azaldacağını bildirib.
Bizi sosial şəbəkələrdən izləyin!!
