Son rəqəmlər.
London və Nyu-York birjalarında elektron ticarət əməliyyatlarının gedişində neftin qiyməti azalmaqda davam edir.
Bu barədə Oxu.Az Bloomberg-ə istinadən xəbər verir.
ICE London qitələrarası birjasında Brent markalı neftin aprel fyuçeslərinin qiyməti 0,34 dollar və ya 1,03% ucuzlaşaraq bir barelə görə 32,76 dollar olub.
Nyu-Yorkun NYMEX əmtəə birjasında elektron ticarət əməliyyatlarının gedişində WTI neftinin qiyməti 1 barelə görə 0,37 dollar və ya 1,15% azalaraq 31,93 dollar təşkil edib.
Qeyd edək ki, dünən Brent markalı neftin qiyməti 33 dolları keçərək, 33, 11 dollar təşkil etmişdi.
