Tamara Mustafayeva, Banco.az
Neft qiymətləri ötən üç ilin maksimumumdan geriləyib.
Banco.az xarici mətbuta istinadla bildirir ki, neftin qiyməti dünən ABŞ-da xam neft ehtiyatlarının azalması fonunda 2018-ci ilin oktyabr ayından bəri müşahidə edilən ən yüksək səviyyədə günü başa vurduqdan sonra yeni günə ucuzlaşma ilə başlayıb.
Brent markalı neftin sentyabr fyuçersi London əmtəə birjasında çərşənbə axşamı 1,8% bahalaşdıqdan sonra 0,4% geriləməklə bir bareli 76.19 dollara düşüb.
ABŞ xam neftinin (WTI) avqust fyuçersi isə Nyu-York əmtəə birjasında (Nymex) 0,5% dəyər itirməklə hazırda bir bareli 74.89 dollara icra edilir.
Bizi sosial şəbəkələrdən izləyin!!