Ticarət müharibəsinin neftə tələbi azaldacağı proqnozlarının güclənməsilə əlaqədar olaraq neft qiymətləri düşməkdə davam edir.
Həftənin ilk iş günü Brent nefti daha 1% ucuzlaşaraq 61.35 dollara, ABŞ xam nefti isə 0,7% də ucuzlaşaraq 53.14 dollara düşüb.
Ticarət müharibəsinin qlobal iqtisadi artımı, o cümlədən ABŞ və Çində iqtisadi inkişafı ləngidəcəyi və nəticədə neftə tələbin azalacağı proqnozlaşdırılır.
Qeyd edək ki, Azərbaycan 2019-cu ilin dövlət büdcəsində neftin qiymətini 60 dollar götürüb.
Brent nefti son 1 həftədə 10.5%, son 1 ayda isə 13% ucuzlaşıb.
ABŞ Prezidenti Donald Trampın Meksikaya 5% gömrük vergisi tətbiq olunacağını açıqlaması və Çin tərəfindən ABŞ-a cavab veriləcəyinin siqnalının verilməsi qlobal ticarət müharibəsi narahatlıqlarını daha da artırıb. Qlobal birjalar düşməkdədir.
marja
