Müəllif: Tamara Mustafayeva, Banco.az
“Morgan Stanley”dən bildirilənə görə, ABŞ Federal Ehtiyat Sisteminin (FED) faiz artımı başa çatmaq üzrədir.
Banco.az xəbər verir ki, ABŞ-ın transmilli investisiya bankı “Morgan Stanley”in strateqi Maykl Uilson bu il ABŞ fond bazarlarında azalma proqnozlaşdırarkən eyni zamanda FED-in faiz artımı dövrünün bitəcəyini düşünür.
Uilson qeyd edib ki, tənəzzül siqnalı kimi qəbul edilən 10 və 3 illik ABŞ istiqraz faizlərindəki azalma FED-in nəhayət faiz artımlarını dayandıracağına dair gözləntiləri dəstəkləyir. “Odur ki, FED-in bu həftəki iclası böyük əhəmiyyət daşıyır”, - deyə o bildirib.
Qeyd edək ki, ABŞ Federal Ehtiyat Sisteminin bu həftə dördüncü iclasında da siyasət faizini 75 baza bəndi artıracağı gözlənilir.
Bizi sosial şəbəkələrdən izləyin!!
