Facebook, Instagram və WhatsApp-ın sahibi "Meta" 2025-ci ilin birinci rübü üçün balans hesabatını açıqlayıb.

Banco.az xəbər verir ki, şirkətin gəliri keçən ilin eyni dövrü ilə müqayisədə birinci rübdə 16% artaraq 42,3 milyard dollara çatıb. "Meta" ötən ilin eyni dövründə 36,5 milyard dollar gəlir əldə etmişdi.

Bu dövrdə şirkətin gəliri bazar gözləntilərini üstələyib.

Meta-nın xalis mənfəəti də bu ilin birinci rübündə 35 faiz artaraq 16,6 milyard dollar olub. Şirkət ötən ilin eyni dövründə 12,4 milyard dollar mənfəət əldə edib.

Şirkətin bir səhm üzrə qazancı keçən ilin birinci rübündə 4,71 dollardan bu ilin eyni dövründə 6,43 dollara yüksəlib.

Sözügedən dövrdə Meta-nın qazancı da bazar gözləntilərini üstələyib.

Şirkət bu ilin ikinci rübündə 42,5-45,5 milyard dollar arasında gəlir gözlədiyini bildirib.

Meta CEO-su Mark Zukerberq, şirkətin maliyyə nəticələrini qiymətləndirməsində, əhəmiyyətli bir ilə güclü bir başlanğıc etdiklərini ifadə etdi. Süni intellekt eynəkləri və "Meta AI" sahəsində yaxşı irəliləyiş əldə etdiklərini ifadə edən Zukerberq, Meta AI-nin indi demək olar ki, 1 milyard aylıq aktiv istifadəçisi olduğunu ifadə etdi.