Müəllif:Mehin Qasımova/Banco.az
Məşhur avtomobil şirkəti "Continental" avtomobil departamentində minlərlə işçini ixtisar edəcək.
Banco.az xəbər verir ki, alman şin və avtomobil hissələri istehsalçısı avtomobil departamentində minlərlə insanı işdən çıxaracağını açıqlayıb.
Continental-ın verdiyi açıqlamada şirkətin 2025-ci ildən başlayaraq hər il xərclərə 400 milyon avro qənaət etməyi planlaşdırdığı bildirilib.
Buna nail olmaq üçün şirkətin bütün bölmələrində geniş ixtisarların aparılacağı qeyd edilib.
Continental-ın avtomobil bölməsinə cavabdeh olan İdarə Heyətinin üzvü Philipp von Hirschheydt məsələni dəyərləndirərkən, tədbirlərin avtomobil sənayesinin rəqabət qabiliyyətini gücləndirmək üçün vacib olduğunu vurğulayıb.
Alman mətbuatında çıxan xəbərlərdə Continental-ın avtomobil departamentində planlaşdırılan ixtisar sayının 5500 civarında ola biləcəyi və bunlardan 1100-dən çoxunun isə şirkətin Almaniyadakı 30 nöqtəsində olacağı iddia edilir.
Bizi sosial şəbəkələrdən izləyin!!
