Müəllif:Mehin Qasımova,Banco.az
Banco.az xəbər verir ki, Almaniyanın "Mercedes-Benz" zavodlarında 30 mindən çox işçi şirkətin standart iş həftəsini əlavə ödəniş olmadan 35 saatdan 40 saata qaldırmaq təklifinə qarşı etiraz aksiyası keçirir.
Avtomobil istehsalçısı xərclərin azaldılması proqramının bir hissəsi olaraq illik standart iş saatlarını 260 saat artırmağı planlaşdırır.
IG Metall həmkarlar ittifaqı aksiyalarda 33 mindən çox işçinin iştirak etdiyini bildirir.
"Mercedes-Benz" rəhbərliyi altı istehsal müəssisəsində təxminən 16 min insanın toplaşdığını bildirir.
"Mercedes-Benz" ötən il mənfəəti iki dəfə azaldıqdan sonra xərcləri azaltmağı hədəfləyir.
Həmkarlar ittifaqı liderləri şirkət rəhbərliyini səhmdarlar divident almağa davam edərkən biznes çətinliklərinin yükünü işçilərin üzərinə atmaqda günahlandırırlar.
