Müəllif: Tamara Mustafayeva, Banco.az
Meksika Mərkəzi Bankı ölkədə inflyasiyanın azalmasından sonra faiz dərəcəsini yenidən aşağı salıb.
Banco.az xəbər verir ki, Meksika Mərkəzi Bankı (Banxico) cümə axşamı günü Latın Amerikasının 2 nömrəli iqtisadiyyatında qiymət təzyiqləri azaldığı üçün uçot dərəcəsini 25 baza bəndi azaldıb.
Mərkəzi Bankın beş üzvdən ibarət idarə heyəti tərəfindən təsdiq edilən və 10,50 faizə endirilən faiz qərarı yekdilliklə qəbul edilməyib. Vitse-prezident Conatan Hit faizi 10,75 faiz səviyyəsində saxlamaq üçün səs verib.
Qeyd edək ki, mərkəzi bank borclanma faizinin daha da azaldılması ehtimalı ilə bağlı ehtiyatlı nikbinliyini qoruyub.
“Banxico” bəyanatında bildirib ki, qlobal inflyasiya proqnozu yaxşılaşıb, lakin qiymət tendensiyalarının yaxşı göstəricisi kimi yaxından izlənilən baza inflyasiyanın səviyyəsinin aşağı düşməsinin davam edəcəyi gözlənilir.
Bizi sosial şəbəkələrdən izləyin!!
