Müəllif - Aida İsaq, Banco.az
Belarusiyada "McDonald`s" restoranları şəbəkəsi noyabrın 22-dən sonra yeni adla fəaliyyətə başlayacaq.
Banco.az xəbər verir ki, Rusiyada "McDonald`s"ı əvəz edən "Vkusno i tochka" ("Вкусно и точка") şirkəti Belarusiyanın fast food müəssisələri şəbəkəsinə françayzinq müqaviləsi üzrə hüquqların ötürülməsini təsdiqləyib.
Qeyd edək ki, Belarusiyanın altı şəhərində 25 "McDonald`s" restoranı hər il 10 milyondan çox ziyarətçiyə xidmət göstərirdi.
Xatırladaq ki, "McDonald`s" martın 14-dən Rusiyadakı restoranlarını bağlayaraq mayın 16-da Rusiya bazarından çıxdığını elan edib.
"McDonald`s"ın Rusiyadakı biznesinin yeni sahibi isə 2015-ci ildən Sibirdə şəbəkənin 25 françayzinq restoranını idarə edən Aleksandr Qovordur.
Bizi sosial şəbəkələrdən izləyin!!
