Mastercard 2024-cü ilin 13-15 sentyabr tarixlərində Bakıda keçiriləcək səkkizinci Azərbaycan Qran-Prisi ərəfəsində məşhur Formula 1 komandası “McLaren Racing”in əsas sponsoru olmaqla çoxillik əməkdaşlığa başlayıb.
Bu əməkdaşlıq insanları öz istəklərinə və bir-birlərinə bağlayan innovasiyaya sadiq və müstəsna təcrübələr təklif edən iki qabaqcıl brendi bir araya gətirir.
“Mastercard Priceless Experiences” proqramı kart sahiblərinə aparıcı idman və əyləncə tədbirlərinə eksklüziv çıxış imkanı yaradır. Yeni əməkdaşlıq bu imkanları “McLaren Racing” komandası ilə Formula 1-in həyəcan dolu dünyasına inteqrasiya edir. Komandanın Mastercard brendinqi 2024-cü mövsümündə açıqlanacaq.
"Hər iki brend təbiətcə həyəcanverici, innovativ və məqsədyönlüdür. İllərdir F1 yarışları idman dünyasının diqqətini Bakıya yönəldərək şəhərin rəngarəng mədəniyyətini və dinamik enerjisini nümayiş etdirir. Qlobal sponsor olaraq belə mühüm bir tədbiri dəstəkləməkdən və Bakıdan dünyaya yayılan mükəmməllik irsinə töhfə verməkdən məmnunuq,” deyə Mastercard-ın Azərbaycan üzrə ölkə meneceri Emil Zeynalov bildirib.
“McLaren Racing” komandasının baş direktoru Zak Braun əlavə edib: "Mastercard qırmızı və sarı rəngli loqosu ilə tanınan məşhur qlobal brenddir. Onlar azarkeşlərə müstəsna təcrübələr və böyüyən qlobal yarış icmamızla dərin əlaqə imkanları təqdim etmək səylərimizi bölüşürlər. Biz Mastercard-ı “McLaren Racing” ailəsinə qəbul etməkdən məmnunuq."
