Müəllif:Mehin Qasımova, Banco.az

Tesla-nın CEO-su İlon Maskın sərvəti, Prezident Donald Trampın tariflərinin geniş iqtisadi təsirləri fonunda noyabr ayından bəri ilk dəfə olaraq 300 milyard dollardan aşağı düşüb.

Banco.az xəbər verir ki, Bloomberg Milyarderlər İndeksinə görə, Mask bazar ertəsi günü "Tesla" səhmləri ucuzlaşmağa davam etdiyi üçün 4,4 milyard dollar itirib və onun ümumi sərvəti 297,8 milyard dollara çatıb. Maskın 2025-ci ilin əvvəlindən itkiləri 134,7 milyard dollara çatıb.

İlon Mask , Bloomberg-in dünyanın 500 ən zəngin insanı siyahısında bazar ertəsi ən çox itirən altıncı olub. Ümumilikdə indeks bir gündə 271 milyard dollar azalma yaşadı. Bu, indeks tarixində üçüncü ən pis gün kimi qeydə alınıb.