Müəllif: Gülnar Əhmədli, Banco.az
Dünyada müxtəlif insan icmalarının yaşadığı saysız-hesabsız şəhərlər var. Planetimizin bəzi şəhərləri keçmişin xatirəsini hələ də qoruyub saxlayır. Bəziləri təbii gözəlliyi ilə insanları heyran edir. Onlardan bəziləri mədəniyyət və ya iqtisadiyyat kimi müxtəlif sahələrdə mühüm mərkəzlər kimi mövcud olmağa davam edir. Bir sözlə, planetimizin bir çox şəhərlərində müxtəlif hekayələr var. Ancaq bəzi şəhərlərdə, yəqin ki, əvvəllər heç eşitmədiyiniz maraqlı xüsusiyyətlər də var. Məsələn, "Dünyanın anası" və ya "Böyük alma" dedikdə ağlımıza ilk olaraq şəhər gəlməməsi normaldır. Lakin qeyd etdiklərimiz şəhər ləqəbləridir. Eşitdikdə təəccüblənəcəyiniz maraqlı ləqəbləri olan 10 şəhəri təqdim edirik.
1. Dünyanın anası – Qahirə
Misirin paytaxtı Qahirə qədim zamanların izlərini daşıyan, qeyri-adi xəzinələrə ev sahibliyi etməklə hər il saysız-hesabsız turist qəbul edir. Qahirə tarixin bütün mərhələlərində olduğu kimi, bu gün də mühüm bir metropol olaraq qalmaqdadır. Bu baxımdan hər dövrün ən möhtəşəm yaşayış məntəqələrindən biri olan Qahirənin “Dünyanın anası” ləqəbinin olması təəccüblü deyil.
2. Dunay mirvarisi – Budapeşt
Macarıstanın paytaxtı Budapeşt də ləqəbli şəhərlərdən biridir. Dunay çayının hər iki tərəfində inşa edilən və bölgənin ən gözəl yaşayış məntəqələrindən biri kimi diqqət çəkən bu mühüm paytaxtın ləqəbi “Dunayın mirvarisi”dir.
3. Böyük alma – Nyu York
Uzun müddətdir dünyanın ən sıx məskunlaşan şəhərlərindən biri olan Nyu York birdən çox ləqəbi olan şəhərlərdən biridir. Lakin həyatın sürətlə axdığı bu şəhərin ən məşhur ləqəbi “Böyük alma”dır. Bəs niyə Nyu York “Böyük alma” adlanır?
Bu maraqlı ləqəbin haradan gəldiyi ilə bağlı müxtəlif nəzəriyyələr var. Bəzi mənbələr New York üçün “Böyük alma” adının ilk dəfə 1800-cü illərdə istifadə edildiyini iddia edirlər. Bəzilərinin fikrincə, şəhər bu qeyri-adi ləqəbi 1930-cu illərin böhranı zamanı şəhərdən kənarda yerləşən alma bağlarından alıb.
4. Sülh paytaxtı – Cenevrə
Yaşamaq üçün ən ideal yerlərdən biri “Sülh paytaxtı”dır desək, yanılmarıq. Bəs müharibələrlə dolu planetimizdə “Sülh paytaxtı” tam olaraq haradadır?
Bu, İsveçrənin ən sıx məskunlaşdığı şəhərlərindən biri olan Cenevrənin ləqəbidir. Şəhərə bu adın verilməsi əbəs yerə deyil. Çünki bir çox beynəlxalq təşkilatların, o cümlədən səhiyyə sahəsində fəaliyyət göstərən strukturların qərargahları bu şəhərdə yerləşir. Təbii ki, Cenevrənin tarix boyu bir çox sülh danışıqlarına ev sahibliyi etməsi də, bu, şəhərə bu ləqəbi verən amildir.
5. Sakit yer – Venesiya
İtaliyanın ən məşhur və gözəl şəhərlərindən biri olan Venesiyanın həm də son dərəcə sakit bir yer olduğunu heç kim inkar edə bilməz. Məhz bu səbəbdən şəhərin ləqəbi “La Serenissima”, yəni “Sakit yer”dir.
6. Əbədi şəhər – Roma
İtaliyanın paytaxtı Roma qiymətsiz tarixi binalar və füsunkar sənət əsərləri ilə dolu qədim şəhərdir. Tarixin ən mühüm imperiyalarından birinin cücərdiyi bu unikal coğrafiya bir növ bütün bəşəriyyətin əbədiyyətlə əlaqə saxladığı bir bölgədir. Bu tarixi paytaxtın ləqəbi dilimizdə “Əbədi şəhər” mənasını verən “La Città Eterna”dır.
7. Dünyanın sonu – Uşuaya
Bəzi şəhərlərin ləqəblərinin arxasında çox maraqlı hekayələr dayanır. Bununla belə, son dərəcə real və konkret yanaşmanın məhsulu kimi ortaya çıxan şəhər ləqəbləri də var. Argentinanın Uşuaya şəhərinə verilən “Dünyanın sonu” ləqəbi bu baxımdan çox uğurlu bir nümunədir. Şəhər planetimizin ən cənub nöqtəsində yerləşən yaşayış məntəqəsidir. Bu səbəbdən o, dünyanın sonu mənasını verən “El Fin del Mundo” kimi də tanınır.
8. Pələng şəhəri – Oslo
Norveçin paytaxtı Oslo pələngləri ilə məşhur bir yer deyil. Bəs niyə şəhərə “Tiger City” ləqəbini veriblər? Bu ləqəb ilk dəfə Norveç şairinin Björnstjerne Björnson adlı bir şeirində qeyd edilib. Pələngin atla döyüşməsindən bəhs edən şeir şəhərin ləqəbinin də belə olmasına gətirib çıxarıb.
9. 100 qüllə şəhəri – Praqa
Çexiyanın paytaxtında üfüqə baxsanız, görəcəyiniz şey təkcə unikal gün batımı olmayacaq. Çünki Praqa səmasında orta əsrlərə aid unikal tikililər var və bu tikililərin bir çoxu yüzlərlə illik tarixin yaddaşını yaşadan qüllələrdir. Buna görə də Praqa “100 qüllə şəhəri” kimi də tanınır.
10. İşıqlar şəhəri – Paris
“Sevgi şəhəri”, “Romantikanın paytaxtı” və ya “İncəsənət Şəhəri” ... Əgər Paris haqqında danışacaqsanız, bu ləqəblərdən hər hansı birini rahatlıqla istifadə edə bilərsiniz. Qeyd etdiyimiz kimi, bəzi şəhərlərin birdən çox ləqəbi var. Fransanın paytaxtı da belə şəhərlərdən biridir. Parisin daha az tanınan ləqəbi “İşıqlar şəhəri”dir. Bu ləqəbin haradan gəldiyi bəlli olmasa da, Paris axşamlarını daha da gözəlləşdirən işıqlara görə belə olması ilk olaraq ağıla gəlir.
Bizi sosial şəbəkələrdən izləyin!!
