“Maliyyə bazarlarında fəaliyyətin yoxlanılması Qaydası” təsdiqlənib | Banco.az

“Maliyyə bazarlarında fəaliyyətin yoxlanılması Qaydası” təsdiqlənib

Azərbaycan Mərkəzi Bankının (AMB) İdarə Heyəti “Maliyyə bazarlarında fəaliyyətin yoxlanılması Qaydası”nı təsdiqləyib.

Bununla bağlı AMB-nin sədri Taleh Kazımov yeni qərar imzalayıb.

Eyni zamanda, ləğv edilmiş Maliyyə Bazarlarına Nəzarət Palatasının “Bank fəaliyyətinin yoxlanılması Qaydaları”, “Qiymətli kağızlar bazarında lisenziyalaşdırılmış fəaliyyətin yoxlanılması Qaydası”, “Sığorta bazarında peşəkar fəaliyyətin yoxlanılması Qaydası” və Sığorta bazarında peşəkar fəaliyyətin yoxlanılması Qaydası” ləğv ediləcək.

Qərara əsasən, yoxlama qrupunun rəhbəri bildiriş təqdim edildikdən sonra zəruri olan sənədlərin hazırlanması məqsədilə nəzarət subyektinin icra orqanının rəhbəri ilə əlaqə yaratmalıdır. Yoxlama barədə qərar icra orqanının rəhbərinə və ya səlahiyyətli vəzifəli şəxsinə təqdim etməlidir. Yoxlamalar iş günü və nəzarət subyektinin iş vaxtı ərzində onun fəaliyyətinə mane olmamaqla həyata keçirilməlidir.

Ən sərfəli kredit üçün müraciət et

Bundan başqa, hər bir yoxlamanın nəticələri yazılı şəkildə hesabatla rəsmiləşdirilməlidir və hesabatın məzmunu oxunaqlı və aydın olmalıdır. Hesabata təsdiqini tapmamış müxtəlif məlumatların daxil edilməsinə yol verilmir.

Həmçinin hesabata aşkar olunmuş qanun pozuntuları, nöqsan və çatışmazlıqların aradan qaldırılması üçün görülməli olan tədbirlər, icra müddətləri və görüləcək tədbirlər üzrə məsul şəxslər barədə təkliflər də daxil edilə bilər. Hesabat yoxlama qrupunun bütün üzvləri tərəfindən, onun bütün səhifələri isə yoxlama qrupunun rəhbəri tərəfindən imzalanacaq.

AMB-nin Hüquq departamentinə bu Qərarın 3 gün müddətində Hüquqi Aktların Dövlət Reyestrinə daxil edilməsi üçün Ədliyyə Nazirliyinə təqdim edilməsi tapşırılıb.

Ən sərfəli krediti almaq üçün müraciət et