Müəllif: Tamara Mustafayeva, Banco.az
Malayziyanın sənaye istehsalında ötən iki ilin ən aşağı artım tempi müşahidə olunub.
Banco.az xəbər verir ki, Malayziyanın xarici ticarətinin zəifləməsi ölkənin istehsal sektoruna güclü təzyiq göstərdiyi üçün sənaye istehsalı 2021-ci ilin avqust ayından bəri ən yavaş templə artıb.
Malayziyanın Statistika Departamentinin məlumatına görə, yanvar ayında sənaye istehsalı əvvəlki illə müqayisədə 1,8% artıb.
Bu da “Bloomberg” sorğusunda iştirak edən ekspertlərin 2,3%-lik orta proqnozundan aşağı göstəricidir.
Qeyd edək ki, Malayziyanın istehsal sektoruna ən böyük töhfəni verən kompüter, elektronika və optik məhsullar istehsalındakı artım dekabrda qeydə alınan 7,6 faizlik göstəricidən 0,8 faizə geriləyib.
Bizi sosial şəbəkələrdən izləyin!!
