Müəllif:Ayşən İmanova/Banco.az
Litva əhalisinin qanuni olaraq müəyyən edilmiş borcları 2 milyard avro təşkil edib.
Banco.az xəbər verir ki, bu barədə Respublika Məhkəmə İcraçıları Palatası məlumat yayıb.
“Məhkəmə qərarına əsasən, məhkəmə icraçılarının tələb etməli olduğu ödənilməmiş borcların məbləği 2 milyard avro təşkil edir”, - məlumatda deyilir.
Qeyd olunur ki, bu məbləğ 222 min nəfərin payına düşür ki, bu da ölkə əhalisinin 8 faizini təşkil edir. Bildirilir ki, hazırda borcluların 63%-i işsizdir və borcun qaytarılması üçün heç bir gəliri yoxdur. Dövlətə borcu olanların təxminən 45 faizi inzibati cərimə ilə cəzalandırılıb. Onların 90%-ə yaxını isə yol hərəkəti qaydalarını pozduqlarına görə cəzalandırılıb.
