Larry Page dünyanın ən nüfuzlu insanlarından biridir. 1998-ci ildə o, Sergey Brin ilə birlikdə Google kompaniyasının əsasını qoyub və bu gün təxminən 20 il keçməsinə rəğmən, hazırda onu idarə edən Alphabet şirkətinin rəhbərliyində təmsil olunur.
Bəs, Google-un yaradıcısı kimdir və o, hər şeyə necə nail olub?
26 mart, 1973-cü ildə Gloria və Carl Page-in ikinci oğulları Lourens dünyaya göz açır. Onun valideynləri Miçiqan ştatının universitetində kompüter elmlərindən dərs verirdilər. Buna görə də onların evində həmişə çoxlu kompüter və texnikaya dair jurnallar var idi. Onlar Larrynin diqqətini hələ o, uşaq ikən çəkmişdir
Larry Page'in təhsil aldığı məktəb Montessorri metodikasına əsaslanırdı, metodika onda yaradıcı yanaşma və müstəqillik tərbiyə etməli idi. Page'in sözlərinə əsasən ona “mövcud qaydalara tabe olmamağı və dünyada baş verənləri sual altında qoymağı” öyrədiblər. Bu tədris onun sonrakı dünya görüşü və işinə əhəmiyyətli təsir edibş
Maraqlı fakt odur ki, Google-un digər həmtəsisçisi Sergey Brin və Amazonun baş diretoru Jeff Bezos da eyni metodika əsasında təhsil alıb.
12 yaşında ikən Page, hər kəsin unutduğu və kasıblıq içində öz həyatını itirən, dahi ixtiraçı Nikola Teslanın bioqrafiyasını oxuyur. Alimin bəxtsiz taleyi gənc Larryni çox təsirləndirir. O, sadəcə inqilabi bir texnologiya yaratmaq ilə kifayətlənmək istəmir, həm də bu işə biznes tərəfindən düzgün yanaşma tətbiq etmək istəyir ki, onun nailiyyətləri haqqında hər kəs bilsin. “Mən başa düşdüm ki, sadəcə nəyisə ixtira etmək yetərli deyil. Hər hansı bir effektə nail olmaq üçün, öz ixtiralarını dünyaya göstərmək və elə etmək lazımdır ki, insanlar ondan istifadə etsin” – Page söyləyir.
Gənc yaşlarında Page təkcə elektrotexnika ilə maraqlanmır, həm də saksafonda ifa edirdi. Son illərdə isə o, zərb alətlərində ifa etməyi öyrənib.
Miçiqan universitetində oxuyarkan o, söyləmişdir ki, transportun gələcəyi ilə maraqlanır. Larry günəş enerjisi ilə işləyən avtomobilin hazırlanması ilə məşğul olacaq universitet komandasına daxil olur və kampuslar arasında sürətli birrelsli sistem çəkməyi təklif edir.
Hazırda, Google-un ana şirkəti olan Alphabet həm, Waymo-dan olan pilotsuz avtomobillərin yaradılması, həm də Sidewalk Labs-dan olan “ağıllı” nəqliyyat sistemlərinin çəkilməsi üzərində işləyir.
Məzun olduqdan sonra, Page Stenforda daxil olur, burada isə o. 1995-ci ildə Sergey Brin ilə tanış olur, kompüter texnologiyalarının iki aşiqi çox asanlıqla yaxın dostlara çevrilir.
23 yaşında ikən Page “bütün interneti necə yükləmək olar” haqında düşünür. Onun ağlına, gərəkli (açar) sözün neçə dəfə təkrarlanmasından asılı olaraq, veb-səhifələri sıralamaq (təsnif etmək) fikri gəlir və öz fikrini reallaşdırmaq üçün Page Brinə müraciət edir. Birlikdə onlar başlanğıcda BackRub adını daşıyan axtarış sistemi üzərində işə başlayır.
Tezliklə BackRub Google olur. Bu ad “quql” riyazi terminindən formalaşır və 100 dərəcə yüksəldilmiş 10 deməkdir. Belə ad Page və brinin missiyasını əks etdirirdi “dünya informasiyasını nizama salmaq və onu hamı üçün əlçatan etmək”.
Page və Brin tez-tez məşhur Burning man festivalının qonağı olur, bu il festival Nevadada keçirilir. Google korporasiyasını yaratdıqdan bir il sonra, onlar axtarış sisteminin əsas səhifədə ilk doodle olan – “yanar adamı” yerləşdirir, bununla axtarış sisteminin yaradıcıları festivala getdiklərini xəbər vermək istəyirlər.
Bir dəfə Page etiraf edir ki, uzunmüddətli ideyaların planlaşdırılması onda daha yaxşı alınır, nəinki menecment, çünki o, insanlar ilə işləməyi sevmir. Lider olaraq, o ilk növbədə nəticələrə fokuslanır və son dərəcə ambisiyalı ideyaları sevir.
Larry Page Google-un baş direktoru olanda, o, özü üçün qarşısına növbəti idarəetmə qaydalarını qoyur:
- Səlahiyyətlərini başqalarına həvalə etmə. Tez olmasını istəyirsənsə, bacardığın hər şeyi özün et.
- Töhfə verə bilmirsənsə, mane olma. Qoy, həqiqətən də işlə məşğul olanlar danışsın.
- Bürokrat olma.
- Ideya yaşdan qat-qat daha vacibdir. Əgər kimsə daha kiçikdirsə, bu o demək deyil ki, o hörmətə layiq deyil və onunla əməkdaşlıq etmək olmaz.
- Ən pis şey kiminsə təşəbbüsünü qırmaqdır “Yox dedim və nöqtə!”. Əgər “yox” deyirsənsə, onda mütləq həmin ideyanın daha yaxşı gerçəkləşmə formasını təklif et.
Google-un vitseprezidenti Omid Kordestani Page'i “hər şeyi öyrənməyi sevən, dünyanı dəyişməyə çalışan və texnologiya dünyasında inqilab etmək istəyən idealist” kimi təsvir edir. Bütün dünyanın xəritəsinin yaradılması və ya bütün mövcud kitabları rəqəmsal kitablara köçürtmək kimi ambisiyalı nəhəng proyektlər onu qorxutmur.
Page 2001-ci ilə qədər Google-un baş direktoru olur, daha sonra isə kompaniyaya Erik Shmidt icraçı direktor qismində rəhbərlik edir. Brin və page uzun müddət layiqli namizəd tapa bilmirlər, amma biləndə ki, Shmidt ixtisasca proqramçıdır, həmçinin “Burning Man” festivalının daimi ziyarətçisidir, onlar dərhal başa düşürlər ki, Erik kompaniyanın korporativ mədəniyyətinə çox tez uyuşacaq.
Əvvəlcə CEO pozisiyasını tərk etməli olması Pagei bir az kədərləndirirdi. Amma zaman keçdikcə o, anladı ki, kompaniyanın gündəlik işlərinə vaxt sərf etmək onun işi deyil, yəni bu ona daha çox vaxt qazandırırdı.
2007-ci ildə page qərar verir ki, yenə də o görüşlərdə həddindən çox vaxt keçirir, ona görə də öz assistentlərini işdən çıxarır ki, ondan xəbərsiz görüş təyin etməsinlər. Əgər kimsə Page ilə danışmaq istəyirdisə, onda özləri onu tapmalı olurdular
Amma o zamanlarda da Page hələ də Google-un məhsullarının yaradılmasında aktiv iştirak edirdi. Məsələn, Page müqavilənin imzalanması başa çatana qədər Shmidtə Android kompaniyasının alınması barədə xəbər verməmişdi.
Androidin keçmiş rəhbəri, Endi Rubin. Foto: Justin Sullivan/Getty Images
10 il sonra, 2011-ci ildə, Larry Page Google-un baş direktoru vəzifəsinə yenidən qayıtmağa qərar verir.
O. yuxarı rəhbərliyin strukturunu yenidən təşkil edir və 2012-ci ilin sonu çatmadan Google+ sosial şəbəkəsini işə salır, ilk noutbukları Chromebook-u və geniş-zolaqlı Fiber şəbəkəsinin infrastrukturunun tətbiqinə və çoxlu digər şeylərə başlayır.
Page Google-a, kompaniyanın ana şirkəti Alphabetin 2015-ci ildə yaradılmasına qədər rəhbərlik edir – həmin zaman isə o yeni yaranan şirkətin direktoru olur
Onun sözlərinə əsasən, Alphabetin rəhbəri postunda “o daha ambisiyalı hədəflərə nail ola biləcək və daha çox insanın həyatını yaxşılaşdırmağa çalışacaq”. Cari vəzifəsində Page əsasən yeni texnologiyaları öyrənir, ağıllı insanlar ilə görüşür və Alphabetin yeni inanılmaz planlarını düşünüb tapır.
Hazırda, sərvətinin miqdarına görə, Forbesin milyarderlər siyahısında 44,5 milyard dollar ilə 12-cidir
Larry çox ehtiyatlı davranaraq, mümkün yollarla öz şəxsi həyatını gizlin saxlamağa çalışır. Onun hər hansı bir şəxsi informasiyanı açıqlaması çox nadir hal sayılır, belə hallardan biri isə 2013-cü ildə olub. Bu zaman o etiraf edib ki, səs telləri iflic olub. Xəstəlik səbəbindən onun səsinin tembri dəyişib (yumşalıb) və uzun nitqlər onun üçün çətinləşib.
2007-ci ildə Page Lyusinda Sautvort ilə evlənir. Toy, Karib dənizində şəxsi adada baş tutur, toyda 600 dəvətli iştirak edir. Virgin Groupun təsisçisi Richard Branson Pagein sağdışı idi.
Foto: Kimberly White/Getty
Page öz varidatı ilə nadir hallarda öyünür. Öz xanımı və iki övladı ilə birlikdə, onlar Palo-Altoda, $7 milyonluq, damında bağ və günəş panelləri olan “ekoəmlakda” yaşayırlar.
Pagein aldığı ən qeyri-adi və bahalı əşya isə Senses adlı nəhəng yaxtadır, 2011-ci ildə 45 milyon dollara alınıb. Yaxtanın göyərtəsində cakuzi və vertolyot meydançası vardır. Page, Brin və Shmidt birlikdə cəmi 8 (səkkiz) şəxsi təyyarə alıblar.
2006-cı ildə məlum olmuşdur ki, Shmidt Brin və Page arasında “şənliklər üçün təyarrədəki” çarpayıların ölçünə görə alışan incikliyi həll etməyə kömək edib. Google təsisçiləri həm də istəyirmiş ki təyyarədə kokteyl-bar və asma yatacaqlar olsun.
Əlbəttə sərvətinin bir hissəsini Page daha ağıllı və ciddi şeylərə sərf edir. Məsələn, o asteroidlərdə faydalı qazıntıların araşdırılması ilə məşğul olan Planetary Resources kompaniyasına, həmçinin həyat yoldaşı tərəfindən əsası qoyulmuş və fərdi uşaq kitablarının çapı ilə məşğul olan Twigtale startapına investisiyalar edib.
2006-cı ildə Page öz atasının xatirəsinə həsr olunmuş, “The Carl Victor Page Memorial Foundation”- xeyriyyə fondunun əsasını qoyur. Carl Page uşaq yaşlarında yoluxmuş olduğu polimyelit xəstəliyinin ağırlaşması nəticəsində, Larry məktəbi bitirər-bitirməz vəfat edir. 2014-cü ilin sonunda fondun aktivləri 1,37 milyard dollar həcmində idi
Amma larry-nin işinin ən yaxşı tərəfi görünür ondadır ki, Alphabet vasitəsi ilə o özünün ən əlçatmaz görünən hədəflərinə nail olur. Google axtarış sistemi o qədər pul qazandırır ki, Alphabet özünə Larry-nin ən qəribə və uzaq görünən proyektlərini də sınaqdan keçirmək imkanı verir. Bu sırada ev üçün ağıllı qurğular, hava şarları vasitəsi ilə internet paylanması, ömrün uzadılması proqramlarını da qeyd etmək olar.
Foto: Seth Wenig/AP
Indi isə Pagei ən çox maraqlandıran uçan avtomobillərdir. O, öz şəxsi büdcəsindən Zee.Aero kompaniyasına 100 milyondan çox yatırım edib, şirkət yeni inqalibi transport növü üzərində çalışır. Bunda əlavə Page uçan maşınların istehsalı ilə məşğul olan Kitty Hawk adlı müəmmalı startapa yatırım edib. Yaxınlarda həmin layihə bir oturacaqlı elektrik uçuş aparatı buraxıb.
Mənbə:
https://rb.ru/story/life-of-larry-page/
http://www.businessinsider.com/larry-page-google-alphabet-life-photos-2017-1
