Kosmetik şirkət olan Foreo “Qara Cümə”də 10 milyon dollardan çox vəsait itirib.
Üzə qulluq məhsulları satışını həyata keçirən “Foreo” şirkəti, “Qara Cümə” zamanı internet mağazasında baş verən texniki nasazlıq səbəbindən 10,8 milyon dollar ziyana düşüb. Texniki nasazlıq nəticəsində şirkətin ən bahalı məhsulu “Foreo” (UFO)nun qiyməti 279 dollardan 9,99 dollara qədər ucuzlaşıb – deyə şirkətin rəsmi bəyanatında deyilir.
Texniki nasazlıq 29 noyabrda Avropa vaxtı ilə saat 21:30-da baş verib. Şirkətin 50 ölkəsində foreo.com internet mağazasında nasazlıq baş verib. Şirkətin internet mağazasında probplem baş verməmişdən 2 saat öncə 38 575 məhsul satılıb.
“Bəli biz 10 milyon dollar itirdik, amma bizim 40 min yeni müştərimiz yarandı. Bütün sifariş olunan məhsullar vaxtında sifarişçiyə çatdırılacaq”-deyə “Foreo” şirkətinin təsisçisi Filip Desica bildirib.
“Foreo” İsveç kosmetik brendidir. Şirkət, üz üçün qulluq vasitələrindən başqa, xüsusi masqalar, yuyunmaq üçün vasitələr və elektriklə işləyən diş fırçaları satır.
fed.az
