Kanada qaradərililərin hüquqlarını müdafiə edən Viola Desmondun(1914-1965) əks olunduğu 10 dollarlıq yeni dizaynlı əskinaslarını buraxıb.
Qeyd edək ki, yeni şaquli dizaynlı əskinasda Viola Desmond Kanadanın birinci baş naziri Con Makdonaldı (1815-1891) əvəz edir. Kanada Bankı bildirib ki, sakinlər yeni “onluğu” qısa müddətdə- 1-2 həftə ərzində görə biləcəklər.
Kanada Bankı yaxın zamanlarda 5 dollarlıq əskinasların da dizaynının yenilənməsi üzrə məsləhətləşmələrə başlamaq niyyətindədir. Hazırda Kanadanın 5 dollarlıq əskinaslarında ölkənin baş naziri Uilfrid Lorenin (1841-1919) şəkli əks olunub.
Report.az
