Müəllif:Mehin Qasımova,Banco.az

"JPMorgan" FED-in gözləniləndən daha tez – dekabr ayında faiz dərəcələrini endirəcəyini proqnozlaşdırır.

Banco.az xəbər verir ki, bankın bu qiymətləndirməsi siyasətçilərin borclanma xərclərini yanvara qədər sabit saxlayacağına dair əvvəlki mövqeyi ilə ziddiyyət təşkil edir.

"JPMorgan" proqnozu yenidən nəzərdən keçirdiyini bildirib.

Bankın ABŞ üzrə baş iqtisadçısı Maykl Ferolinin rəhbərlik etdiyi komandanın açıqlamasına görə, yüksək səviyyəli FED rəsmilərinin – xüsusilə Nyu-York FED prezidenti Con Uilyamsın – son açıqlamaları qısamüddətli faiz endirimi gözləntisini gücləndirib və onların əvvəlki qərarını dəyişməyə vadar edib.

Qeyd edək ki, JPMorgan keçən həftə zəif sentyabr məşğulluq hesabatından sonra FED-in faiz dərəcələrini sabit saxlayacağını proqnozlaşdırırdı.

Bankın yeni proqnozuna görə, FED həm dekabr, həm də yanvar iclaslarında 25 baza bəndi olmaqla toplam iki faiz endirimi həyata keçirə bilər.